पुणे : शिक्षण हक्क कायद्याअंतर्गत (आरटीई) खासगी शाळांतील २५ टक्के राखीव जागांसाठीची प्रवेश प्रक्रिया जुन्याच पद्धतीने राबवली जात असल्याने राज्यभरातील पालकांनी तुफान प्रतिसाद दिला आहे. तीन दिवसांतच ७३ हजारांहून अधिक अर्ज दाखल झाले आहेत. वंचित, आर्थिक दुर्बल घटकांतील विद्यार्थ्यांना आरटीईअंतर्गत खासगी शाळांतील २५ टक्के राखीव जागांवर प्रवेश दिला जातो. मात्र शिक्षण विभागाने यंदा आरटीई प्रवेश प्रक्रियेत बदल करून केवळ शासकीय शाळा, स्थानिक स्वराज्य संस्थांच्या शाळा आणि अनुदानित शाळांमध्ये प्रवेश देण्याचा निर्णय घेतला होता. त्यामुळे खासगी, स्वयंअर्थसहाय्यित शाळा या प्रक्रियेतून वगळल्या गेल्या होत्या. या बदलास पालक, शिक्षण क्षेत्रातील संघटनांनी उच्च न्यायालयात आव्हान दिले होते. त्या संदर्भात झालेल्या सुनावणीमध्ये न्यायालयाने या बदलास स्थगिती दिली. त्यामुळे शिक्षण विभागाला पुन्हा जुन्याच पद्धतीने प्रवेश प्रक्रिया राबवावी लागत आहे. त्यानुसार राज्यभरातील ९ हजार १३८ शाळांमध्ये १ लाख २ हजार ६३४ जागा प्रवेशांसाठी उपलब्ध आहेत.

हेही वाचा : धक्कादायक : प्रेयसीने संपर्क तोडल्याने तिच्या बहिणीवर गोळीबार

RTE draw announced which school has the highest number of applications Pune
 ‘आरटीई’ची सोडत जाहीर, सर्वाधिक अर्ज कोणत्या शाळेत?
rte admission application form marathi news
आरटीई प्रवेशासाठी काढावी लागणार सोडत; राज्यात उपलब्ध जागांपेक्षा अधिक अर्जांची नोंदणी
Nagpur, admission, RTE,
वडिलांची लाखांमध्ये कमाई तरीही मुलाला ‘आरटीई’तून प्रवेश! आणखी एका पालकाला अटक
Nagpur rte admission process marathi news
आरटीई प्रवेशाची यादी लांबणीवर, प्रवेशासाठी पुन्हा वाट…
RTE Admissions, fake documents for rte admission, Mastermind Shahid Sharif, parents Arrested for RTE Admissions scam, Fake Documents, Nagpur news, marathi news,
‘आरटीई’ घोटाळ्यात पालकही अडकले; दोघांना अटक, तीन दिवसांची पोलीस कोठडी
delay , RTE, admission,
आरटीई प्रवेश प्रक्रिया लांबविल्याने पालक चिंतेत, शासनाच्या चुकीमुळे विद्यार्थ्यांचे शैक्षणिक नुकसान होत असल्याचा आरोप
information has been retained even after the draw of RTE selection list of students will be announced after June 12
‘आरटीई’ची सोडत काढूनही माहिती राखून ठेवली, आता प्रतीक्षा १२ जूनची; कुणाला कुठली शाळा…
Deadline Extended for RTE Admissions, RTE Admissions, RTE Admissions Private Schools, Parents Get More Time to Apply rte, right to education, maharashtra news, pune news,
आरटीई प्रवेश नोंदणीसाठी मुदतवाढ… कधीपर्यंत करता येणार अर्ज?

आरटीई प्रवेश प्रक्रियेमध्ये बदल केल्यानंतर शिक्षण विभागाने नोंदणी सुरू केली. त्यात सुमारे ६८ हजार पालकांनीच प्रवेशासाठी ऑनलाइन अर्ज भरून नोंदणी केली होती. त्यामुळे खासगी शाळा, विशेषत: खासगी इंग्रजी माध्यमाच्या शाळा प्रवेश प्रक्रियेत नसल्याचा परिणाम नोंदणीवर झाल्याचे चित्र होते. मात्र आता जुन्याच पद्धतीने प्रवेश प्रक्रिया राबवली जाणार असल्याने खासगी शाळा, इंग्रजी शाळांचा या प्रवेश प्रक्रियेत समावेश झाला आहे. त्यामुळे नोंदणी प्रक्रिया सुरू होताच राज्यभरातून पालकांची नोंदणी सुरू झाली असून, तीन दिवसांतच ७३ हजारांहून अधिक ऑनलाइन अर्जांची नोंदणी झाली आहे. त्यात पुणे, नागपूर, नांदेड, गोंदिया अशा काही जिल्ह्यांमध्ये उपलब्ध प्रवेश क्षमतेइतके अर्ज दाखल झाले आहेत. त्यामुळे येत्या काही दिवसांत अर्जसंख्येत भर पडणार असल्याने प्रवेशाठी चुरस होणार असल्याचे चित्र आहे.