पुणे : हडपसर पोलीस ठाण्यातील कोठडीतून (लाॅकअप) चोरीच्या गुन्ह्यात अटक केलेला आरोपी पसार झाल्याची घटना घडली. पसार झालेल्या आरोपीचा पोलिसांकडून शोध घेण्यात येत आहे. गोविंद उर्फ पिंट्या घोडके असे पसार झालेल्या चोरट्याचे नाव आहे. हडपसर पोलीस ठाण्यात दाखल असलेल्या चोरीच्या गुन्ह्यात घोडकेला अटक करण्यात आली होती. शनिवारी दुपारी दीडच्या सुमारास घोडकेला पोलीस ठाण्यातील कोठडीतून बाहेर काढण्यात आले. त्याच्या हाताचे ठसे घेण्याचे काम करण्यात येणार होते. त्यावेळी पोलिसांचे लक्ष नसल्याची संधी साधून घोडके पसार झाला.

हेही वाचा : खबरदार, रुग्णांना बाहेरून औषधे आणायला लावली तर… ससूनचे नवे अधिष्ठाता डॉ. पवार यांची डॉक्टरांना तंबी

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: In pune thief escape from hadapsar police station lockup pune print news rbk 25 css