आखातातील युद्धजन्य परिस्थितीचा फटका इंदापूरमधील शेतकऱ्यांनाही

उजनी धरणाच्या पाणलोट क्षेत्रालगत इंदापूर आणि करमाळा तालुक्यांमध्ये केळीचे मोठ्या प्रमाणावर उत्पादन घेतले जाते. सध्या अनेक केळीच्या बागा तोडणीसाठी तयार झाल्या आहेत. मात्र, आखातातील देशांमध्ये युद्धजन्य परिस्थितीमुळे केळीची निर्यात मंदावली आहे. केळीचे दरही घसरल्याने शेतकरी हवालदिल झाले आहेत.

‘मागील महिन्यामध्ये कांद्याचे दर १७ ते १८ रुपये प्रति किलो होते. या महिन्यामध्ये कांद्याला उठाव नसल्यामुळे १३ ते १४ रुपये असे दर आहेत.’

• रणजित गवळी, आडतदार, इंदापूर कृषी उत्पन्न बाजार समिती

उजनी धरण पाणलोट क्षेत्रात केळीचे मोठ्या प्रमाणामध्ये उत्पादन होत असून, हा परिसर ‘केळी हब’ म्हणून आता ओळखला जात आहे. या भागातून मोठ्या प्रमाणामध्ये केळीची निर्यात होते. सध्याच्या परिस्थितीमुळे संबंधित शेतकरी अडचणीत आले आहेत.

• धुळाभाऊ कोकरे, केळी उत्पादक