पुणे : इंदापुरात पाणीटंचाईच्या झळा

या गावांसाठी ७ टँकर मंजूर करण्यात आले असून, त्याद्वारे नागरिकांची पिण्याच्या पाण्याची गरज भागविण्याचा प्रयत्न सुरू आहे. टँकर सुरू असलेल्या गावांमध्ये चाकाटीसाठी १, कळससाठी २, शेटफळगडेसाठी २, वकीलवस्तीसाठी १ आणि लुमेवाडीसाठी १ अशा एकूण ७ टँकरना मंजुरी देण्यात आली आहे. दरम्यान, बावडा, म्हसोबावाडी, अकोले, वायसेवाडी, रूई (थोरातवाडी), शेटफळगडे, लामजेवाडी, पिटेवाडी, पोंदकुलवाडी, सुरवड व निरनिमगाव या गावांचे प्रस्ताव आले आहेत. त्यामुळे येत्या काही दिवसांत टंचाईची व्याप्ती वाढण्याची शक्यता व्यक्त होत आहे.

तालुक्यातील १५ गावांनी टँकरची मागणी केली असून, त्यापैकी केवळ पाच गावांमध्ये प्रत्यक्ष पाणीपुरवठा सुरू झाला आहे. उर्वरित प्रस्तावांबाबत तातडीने निर्णय घेण्याची मागणी ग्रामस्थांकडून करण्यात आली आहे.