एसटी प्रवासी महिलेच्या पिशवीतून चोरट्यांनी एक लाख ३५ हजार रुपयांचे मंगळसूत्र चोरट्यांनी लांबविल्याची घटना उघडकीस आली. याबाबत एका महिलेने भारती विद्यापीठ पोलीस ठाण्यात फिर्याद दिली आहे. तक्रारदार महिला हडपसर भागात राहायला आहेत. त्या एसटी बसने कराडला निघाल्या होत्या. हडपसरमधून त्या रिक्षाने स्वारगेट एसटी स्थानकात आल्या. स्वारगेट एसटी स्थानकात बसमध्ये प्रवेश करत असताना चोरट्यांनी महिलेच्या पिशवीतून एक लाख ३५ हजार रुपयांचे मंगळसूत्र लांबविले. पोलीस कर्मचारी अभय झेडे तपास करत आहेत.
