Lumpy state Seventy percent vaccination cattle fear owners ysh 95 | Loksatta

राज्यात लम्पीची साथ उतरणीला; गोवंशाचे सत्तर टक्के लसीकरण; पशूमालकांची भीती कमी

राज्यात लम्पी त्वचा रोग प्रतिबंधक लसीकरण मोहीम युद्धपातळीवर राबविल्याचे चांगले परिणाम दिसून येत आहेत.

राज्यात लम्पीची साथ उतरणीला; गोवंशाचे सत्तर टक्के लसीकरण; पशूमालकांची भीती कमी
राज्यात लम्पीची साथ उतरणीला

पुणे : राज्यात लम्पी त्वचा रोग प्रतिबंधक लसीकरण मोहीम युद्धपातळीवर राबविल्याचे चांगले परिणाम दिसून येत आहेत. राज्यातील सत्तर टक्के गोवंशाचे लसीकरण पूर्ण झाले असून, रोगाचा संसर्ग होण्याचा वेग कमी झाला आहे. बाधित जनावरांच्या मृत्यूचे प्रमाणही पुढील दहा दिवसांत कमी होण्याची शक्यता आहे. प्रादुर्भाव झालेल्या सुमारे बाराशे गोवंशाचा मृत्यू झाला असून, बाधित जनावरांची संख्या ३६ हजारांवर गेली आहे.

पशुसंवर्धन विभागाने लम्पी त्वचा रोग प्रतिबंधक लसीकरण मोहीम युद्ध पातळीवर राबविल्याचे चांगले परिणाम दिसून येत आहेत. राज्यातील ३१ जिल्ह्यांमधील एकूण २०२३ गावांमध्ये लम्पी त्वचा रोगाचा प्रादुर्भाव झाला आहे. बाधित गावांतील एकूण ३५,७१० बाधित पशुधनापैकी एकूण १६,३०२ गोवंश उपचाराने बरा झाला आहे. उर्वरित बाधित पशुधनावर उपचार सुरू आहेत. राज्यातील विविध जिल्ह्यांमध्ये गुरुवारअखेर एकूण १०६.६२ लाख लस मात्रा उपलब्ध आहेत. बाधित क्षेत्राच्या पाच किमी परिघातील २०२३ गावांतील ४८.२८ लाख आणि परिघाबाहेरील ३८.९१ लाख पशुधन असे एकूण ८७.१९ लाख पशुधनास मोफत लसीकरण करण्यात आले आहे.

स्थिती काय?

जळगाव, नगर, पुणे, अमरावती आणि कोल्हापुरात लम्पीने मृत्यू झालेल्या जनावरांची संख्या अधिक आहे. राज्यात गुरुवार, २९ सप्टेंबरअखेर एकूण १२५७ जनावरांचा मृत्यू झाला आहे.

संसर्गवेगाला आवर..

गुरांचे सरासरी ७० टक्के लसीकरण पूर्ण झाले आहे. अकोला, जळगाव, मुंबई जिल्ह्यांत शंभर टक्के, तर बीड, कोल्हापूर, नगर जिल्ह्यात ९५ टक्क्यांपर्यंत लसीकरण पूर्ण झाले आहे. त्यामुळे संसर्ग होण्याचा वेग कमी झाला आहे.

जळगाव आणि अकोला या सर्वात जास्त बाधित जिल्ह्यांमध्ये लसीकरण पूर्ण झाले आहे. इतर जिल्ह्यांतील बहुतांश पशुवैद्यकीय दवाखान्यांच्या कार्यक्षेत्रातील लसीकरण अंतिम टप्प्यात आहे. खासगी संस्था, सहकारी दूध संघ आणि वैयक्तिक पशुपालकांनी करून घेतलेल्या लसीकरणाची आकडेवारी पाहता सुमारे एक कोटी गोवंशाचे म्हणजे सत्तर टक्के गोवंशीय पशुधनाला लसीकरण झाले आहे. त्याचा परिणाम म्हणून मागील तीन ते चार दिवसांमध्ये बाधित पशुधनाच्या संख्येत, तसेच बाधित होणाऱ्या गावांच्या संख्येत घट दिसून येत आहे.

– सचिंद्र प्रताप सिंह, आयुक्त पशुसंवर्धन विभाग

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
चार हजार हेक्टरवरील केळींचे नुकसान; कुकुंबर मोझॅक विषाणूचा रावेर, यावल तालुक्यांना मोठा फटका

संबंधित बातम्या

फुरसुंगी-उरुळी गावांसाठी नवीन नगरपालिका; मुख्यमंत्री एकनाथ शिंदेंचा निर्णय
पुणे : ‘षड्ज-अंतरंग’मध्ये दिवंगत कलाकारांच्या आठवणींना उजाळा; ‘शताब्दी स्मरण’ प्रदर्शनात पं. भीमसेन जोशी यांची छायाचित्रे
पुणे : मेट्रोची भूमिगत मार्गामध्ये चाचणी यशस्वी; रेंजहिल डेपो ते शिवाजीनगर जिल्हा सत्र न्यायालय स्थानकापर्यंतचे काम पूर्ण
पुण्यातील बाळासाहेबांची शिवसेनेच्या पहिल्या जाहीर मेळाव्याकडे कार्यकर्त्यांची पाठ
रुपाली चाकणकर : आश्वासक नेतृत्व

व्हिडिओ

ताज्या बातम्या
पुणे: भूमी अभिलेख भरती परीक्षेचा निकाल १५ डिसेंबरला; यंदा प्रथमच प्रतीक्षा यादी
मुंबई: अध्ययन अक्षमता असलेल्या विद्यार्थ्याला उच्च न्यायालयाचा दिलासा; पशुवैद्यकीय विज्ञान आणि पशुसंवर्धन पदवी अभ्यासक्रमात प्रवेश देण्याचे आदेश
आधी निषेध मग लग्न! खराब रस्त्याला कंटाळलेला नवरदेव लग्न सोडून थेट आंदोलनात पोहचला
Video: राम चरणने शहीद कर्नल संतोष बाबूंच्या मुलांसह घेतला सेल्फी; अभिनेत्याच्या कृतीने जिंकली नेटकऱ्यांची मनं
“रात्रीच्या अंधारात आमदारांना सुरतला पाठवता येऊ शकतं, मग…”; सीमाप्रश्नावरून रोहित पवारांची मुख्यमंत्र्यांवर खोचक टीका