पुण्यातील महाराष्ट्र साहित्य परिषदेकडून साहित्य क्षेत्रातील महत्त्वाचे पुरस्कार जाहीर; कोण आहेत मानकरी?

परिषदेच्या विश्वस्त मंडळाचे अध्यक्ष डॉ. शिवाजीराव कदम, कार्यकारी विश्वस्त डॉ. पी. डी. पाटील, विश्वस्त यशवंतराव गडाख, उपाध्यक्ष डॉ. तानाजीराव चोरगे, राजीव बर्वे आणि विद्याधर अनास्कर या वेळी उपस्थित राहणार आहेत, अशी माहिती परिषदेचे कार्याध्यक्ष प्रा. मिलिंद जोशी यांनी दिली.

जोशी म्हणाले, “उचल्या’ या आत्मकथनाने लक्ष्मण गायकवाड यांना वेगळी ओळख मिळवून दिली. ‘उचल्या’ साहित्यकृतीला १९८८ सालचा साहित्य अकादमी पुरस्कार मिळाला होता. आजवरच्या आपल्या लेखनातून गायकवाड यांनी परिघाबाहेरील उपेक्षितांच्या व्यथा-वेदना मांडून त्यांचा आवाज बुलंद केला आहे. या योगदानाबद्दल त्यांना मसाप जीवनगौरव पुरस्काराने सन्मानित करताना परिषदेला समाधान वाटत आहे. डॉ. गीताली वि. मं. यांनी स्त्री-मुक्तीच्या चळवळीत मोलाचे योगदान दिले आहे. स्त्रीवादी चळवळीला ५० वर्षे पूर्ण होत असताना डॉ. गीताली वि. मं. यांच्या कार्याचा गौरव करताना परिषदेला आनंद होत आहे.’