राज्यात पावसाची अल्प विश्रांती ? जाणून घ्या हवामान विषयक स्थिती काय ?

मोसमी पावसाचा मुख्य आस काहीसा दक्षिणेकडे कलला आहे. अरबी समुद्रात संपूर्ण पश्चिम किनारपट्टी समांतर दक्षिणोत्तर कमी दाबाचा पट्टा (ऑफ-शोअर ट्रफ) सक्रिय आहे. तसेच अरबी समुद्रात समुद्रसपाटीपासून दीड किमी उंचीपर्यंत ताशी ४८ किमी वेगाने येणाऱ्या आर्द्रतायुक्त पश्चिमी वाऱ्याचा वेग कमी झाला आहे. हे वारे ताशी २० ते २५ किमी वेगाने मुंबईसह किनारपट्टीकडे येत आहे. त्यामुळे कोकण किनारपट्टीवर हलक्या सरींची शक्यता आहे. राज्याच्या उर्वरित भागात पाऊस उघडीप देण्याची शक्यता आहे. पण, तुरळक ठिकाणी हलक्या ते मध्यम पावसाची शक्यता कायम आहे.

नक्की वाचा

राज्यात अतिवृष्टीमुळे मोठे नुकसान…जाणून घ्या कोणत्या जिल्ह्यांत किती नुकसान…

४ ऑक्टोबर पंचांग: मेष, वृषभसह ‘या’ राशींवर देवी…

आणखी दोन दिवस पाऊस; जाणून घ्या, विदर्भ, मराठवाडा, उत्तर महाराष्ट्राला दिलेले इशारे

Eknath Shinde : लाडकी बहीण योजनेत गैरप्रकार करणाऱ्यांना मुख्यमंत्री एकनाथ शिंदेंचा इशारा; म्हणाले, “आरोपींना थेट…”

उजनी धरणाचे पाणी अखेर कुरनूर धरणात पोहोचले; अक्कलकोट, दक्षिण सोलापूर तालुक्यातील ७२ गावांना होणार लाभ

Sharad Pawar : “लाडकी बहीण योजनेमुळे महायुतीचं राज्य पुन्हा येईल, अशी स्थिती…”; शरद पवारांचं वक्तव्य चर्चेत

LokPoll Survey: महाराष्ट्रात लोकसभेची पुनरावृत्ती होणार; मविआला १४१ ते १५४ जागा, तर महायुतीला…

चीनमधील ‘या’ अवाढव्य धरणामुळे पृथ्वीचा वेग मंदावला? धरणाचा नेमका परिणाम काय होतोय?

हेही वाचा : पुण्यात आधीच डेंग्यूचा धोका अन् त्यातच आता रक्तासह प्लेटलेटचा तुटवडा

दरम्यान, विदर्भवगळता महाराष्ट्रात दुपारचे कमाल तापमान सरासरीपेक्षा ४ अंश सेल्सिअसने कमी होऊन २८ अंशांच्या आसपास आहे. तर पहाटेचे किमान तापमानही सध्या सरासरीइतके म्हणजे २२ अंशांच्या आसपास आहे. कमाल व किमान तापमानातील फरक कमी कमी होत आहे. त्यामुळे आर्द्रतेचे प्रमाण वाढत आहे. आर्द्रता वाढल्यामुळे राज्यात तुरळक ठिकाणी हलका पाऊस पडू शकतो. गुरुवारी (५ सप्टेबर) बंगालच्या उपसागरात कमी दाबाचे क्षेत्र तयार होण्याची शक्यता आहे, तसे झाल्यास सप्टेंबरमधील पावसासाठी पोषक स्थिती निर्माण होऊ शकते, असे मत निवृत्त हवामान शास्त्रज्ञ माणिकराव खुळे यांनी व्यक्त केले आहे. राज्यभरात पुढील चार दिवस किरकोळ प्रमाणात हलक्या सरी पडतील. राज्यात कोठेही मुसळधार पावसाची शक्यता नाही. चार-पाच दिवस काहीशी उघडीप मिळण्याचा अंदाज आहे, अशी माहिती हवामान विभागाचे शास्त्रज्ञ डॉ. एस. डी. सानप यांनी दिली आहे.