scorecardresearch

Premium

जुन्या पुणे-मुंबई रस्त्यावर प्रवाशांना लुबाडणाऱ्या टोळीविरुद्ध ‘मोक्का’

आतापर्यंत पोलीस आयुक्तांच्या आदेशाने शहरातील ६५ टोळ्यांविरुद्ध ‘मोक्का’ अंतर्गत कारवाई करण्यात आली आहे.

MCOCA against gang robbing passengers old Mumbai-Pune road
जुन्या पुणे-मुंबई रस्त्यावर प्रवाशांना लुबाडणाऱ्या टोळीविरुद्ध ‘मोक्का’ (छायाचित्र- लोकसत्ता ग्राफिक्स टीम)

पुणे: जुन्या मुंबई-पुणे रस्त्यावर वाकडेवाडी स्थानक परिसरात प्रवाशांना अडवून लूटमार करणाऱ्या टोळीविरुद्ध पोलीस आयुक्त रितेश कुमार महाराष्ट्र संघटित गुन्हेगारी नियंत्रण कायद्यान्वये (मोक्का) कारवाई करण्याचे आदेश दिले. आतापर्यंत पोलीस आयुक्तांच्या आदेशाने शहरातील ६५ टोळ्यांविरुद्ध ‘मोक्का’ अंतर्गत कारवाई करण्यात आली आहे.

किशोर उत्तम गायकवाड (वय १९), आशिष संतोष सोजवळ (वय २४), जाॅर्ज डाॅमनिक डिसुजा (वय १९), अजय सुरेश गाडेकर (वय २०, चौघे रा. बोपोडी, मुंबई-पुणे रस्ता ) अशी कारवाई करण्यात आलेल्यांची नावे आहेत. याबाबत एका दुचाकीस्वार तरुणाने खडकी पोलीस ठाण्यात फिर्याद दिली होती. तक्रारदार तरुण पुणे- मुंबई रस्त्याने निघाला होता. बोपोडी परिसरात गायकवाड, सोजवळ, डिसुजा, गाडेकर यांनी त्याला अडवले. आमचा मित्र आजारी आहे. त्याला रुग्णालयात दाखल करण्यासाठी मदत करा, अशी बतावणी चोरट्यांनी तरुणाकडे केली. त्यानंतर चोरट्यांनी त्याला पकडले आणि खिशातील मोबाइल संच, रोकड असा मुद्देमाल लुटून चोरटे पसार झाले.

Cell phone theft in immersion procession
विसर्जन मिरवणुकीत मोबाइल चोरट्यांचा उच्छाद…पोलिसांच्या ‘लॉस्ट अँड फाऊंड’ पोर्टलवर ‘एवढ्या’ नागरिकांनी केल्या तक्रारी
karnataka bandh
Karnataka Bandh : शाळा बंद, विमानं रद्द, वाहतूक खंडित, संचारबंदी लागू; कर्नाटकात पाणी प्रश्न पेटला, २०० आंदोलनकर्ते ताब्यात
Action taken against illegal constructions in Kumbharkhanpada area of Ulhas Bay in Dombivli
कुंभारखाण पाड्यातील हरितपट्ट्यातील बेकायदा इमारतींवर कारवाई; राहुलनगर मधील भूमाफियांना नोटिसा
thane pathole
कल्याण-डोंबिवलीतील खड्ड्यांमुळे प्रवासी हैराण; गणेशोत्सव आला तरी रस्ते खड्ड्यातच

हेही वाचा… लोणावळ्यात हवाई दल तळाच्या परिसरात ड्रोन कॅमेऱ्यांद्वारे चित्रीकरण; हैदराबादमधील तिघेजण ताब्यात

गुन्हे शाखेच्या युनिट चारच्या पथकाने तपास करुन आरोपी गायकवाड याच्यासह साथीदारांना पकडले. गायकवाड आणि साथीदारांकडून १२ गुन्हे उघडकीस आले. गायकवाड आणि साथीदारांविरुद्ध खून, खुनाचा प्रयत्न, प्राणघातक हल्ला करणे, खंडणी असे गंभीर स्वरुपाचे गुन्हे दाखल आहेत. त्यांच्याविरुद्ध मोक्का कारवाई करण्याचा प्रस्ताव तयार करण्यात आला.

हेही वाचा… भोसरीतील वीज समस्या सुटणार, महावितरणने घेतला ‘हा’ महत्वपूर्ण निर्णय

परिमंडळ चारचे पोलीस उपायुक्त शशिकांत बोराटे, अतिरिक्त आयुक्त रंजनकुमार शर्मा यांच्याकडे प्रस्ताव पडताळणीस पाठविण्यात आला. पोलीस आयुक्तांनी या प्रस्तावास मंजुरी देऊन मोक्का कारवाई करण्याचे आदेश दिले.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mcoca against the gang robbing passengers on the old mumbai pune road pune print news ggy 03 dvr

First published on: 26-09-2023 at 17:42 IST

संबंधित बातम्या

मराठी कथा ×