लोकसत्ता प्रतिनिधी

पुणे : पावसाने पाठ फिरवल्याने राज्यातील अनेक तालुक्यांमध्ये सध्या दुष्काळ आहे. पिकांचे अतोनात नुकसान झाले आहे. त्यामुळे बळीराजा चिंतेत आहे. तर दुसरीकडे, सातत्याने बेरोजगारी, महागाई वाढत आहे. त्यामुळे सर्वसामान्य नागरिकही आर्थिक संकटात आहे. या स्थितीत जनतेला सवलती आणि आर्थिक मदत देण्याऐवजी एसटी बसच्या तिकीट दरात वाढ करणे जाचक आणि अन्यायकारक आहे. ही दरवाढ सरकारने तत्काळ मागे घ्यावी, अशी मागणी काँग्रेसचे आमदार रवींद्र धंगेकर यांनी केली.

major anuj sood marathi news, major anuj sood latest marathi news
शहीद जवानाच्या कुटुंबीयांना आर्थिक लाभ देण्याचे प्रकरण : मुख्यमंत्री निर्णय घेऊ शकत नाही हे सरकारने प्रतिज्ञापत्रावर सांगावे, उच्च न्यायालयाचे ताशेरे
eknath shinde
महायुतीच्या सर्व जागा बहुमताने निवडून येणार; मुख्यमंत्री एकनाथ शिंदेंचा दावा, म्हणाले ‘शेतकऱ्यांना मदत…’
Why Are the Rajput community angry at the statement of Union Minister Rupala
गुजरातमध्ये भाजपच्याच नेत्यामुळे भाजप अडचणीत? केंद्रीय मंत्री रुपाला यांच्या विधानावर रजपूत समाज संतप्त का?
mumbai high court marathi news, cm eknath shinde marathi news
शहीदांच्या कुटुंबीयांप्रती मुख्यमंत्र्यांनी मनाचा मोठेपणा दाखवावा, शहीद मेजर सूद यांच्या पत्नीच्या मागणीबाबत उच्च न्यायालयाची टिपण्णी

दिवाळी सणाच्या पार्श्वभूमीवर एसटी बसच्या तिकीट दरात ७ नोव्हेंबरच्या मध्यरात्रीपासून १० टक्के वाढ करण्याचा निर्णय सरकारने घेतला आहे. या निर्णयाला विरोध दर्शवत आमदार रवींद्र धंगेकर यांनी मुख्यमंत्री तथा परिवहन मंत्री एकनाथ शिंदे यांच्याकडे दरवाढ मागे घेण्याची मागणी निवेदनाद्वारे केली.

आणखी वाचा-जनकल्याणासाठीच मी आणि अजित पवार एकत्र, चंद्रकांत पाटील यांची भूमिका

सध्याच्या दुष्काळाच्या आणि दररोज वाढणाऱ्या महागाईच्या वातावरणात दिवाळी हा सण साजरा कसा करायचा, हा प्रश्न राज्यातील जनतेसमोर आहे. अशा स्थितीत आणि ऐन सणासुदीच्या काळात राज्य सरकारने बसच्या तिकीट दरामध्ये वाढ करण्याचा निर्णय घेतला आहे. सरकारचा हा निर्णय अतिशय अन्यायकारक आहे. त्यामुळे सरकारने संवेदनशीलता दाखवून तिकीट दरवाढ करण्याचा निर्णय तत्काळ मागे घ्यावा, असे धंगेकर यांनी म्हटले आहे.