ससून रुग्णालयात प्रसूत झालेली महिला तिचे नवजात अर्भक सोडून पसार झाली. गुरुवारी ( १४ जानेवारी ) ही घटना घडली.
याप्रकरणी शीतल अर्जुन राठोड (वय २५, रा. सेवानगर तांडा, ता. चाळीसगांव, जि. जळगांव ) हिच्याविरूद्ध गुन्हा दाखल करण्यात आला आहे. ससून रुग्णालयातील समाजसेवा अधीक्षक किरण साबळे यांनी यासंदर्भात बंडगार्डन पोलीस ठाण्यात फिर्याद दिली आहे.
शीतल साबळे ही ९ जानेवारी रोजी ससून रुग्णालयातील वॉर्ड क्रमांक २३ मध्ये प्रसूतीसाठी दाखल झाली. प्रसूत झाल्यानंतर शीतल हिने गुरुवारी ससून रुग्णालयातील वॉर्ड क्रमांक २३ मध्ये तिचे नवजात अर्भक सोडून दिले. सायंकाळी वॉर्डातील परिचारिकेच्या निदर्शनास हा प्रकार आला. त्यांनी या घटनेची माहिती प्रशासनाला दिली. समाजसेवा अधीक्षक साबळे यांनी  पोलिसांकडे तक्रार दिली असून, उपनिरीक्षक शिंदे तपास करत आहेत.