MSRTC: ज्येष्ठांचा ५४ कोटींचा फुकट प्रवास.. पुण्यासह सातारा, सांगली, सोलापूर, कोल्हापूरमधून महसूल

भारताच्या स्वातंत्र्य अमृत महोत्सवानिमित्त राज्य सरकारने २०२२ मध्ये या योजनेची अंमलबजावणी करण्यास सुरुवात केली आहे. त्यानुसार ७५ वर्षांपुढील ज्येष्ठ नागरिकांना अमृत ज्येष्ठ नागरिक योजनेअंतर्गत मोफत प्रवास योजनेचा लाभ दिला जात आहे. ही सलवत मिळविण्यासाठी लाभधारकाला ५८५ रुपयांमध्ये ‘स्मार्ट कार्ड’ दिले जात असून, राज्यभर कोठेही विनाशुल्क प्रवास करता येतो. पुणे विभागांतर्गत या योजनेला प्रचंड प्रतिसाद मिळत आहे. वर्षभरातील आकडेवारीनुसार सर्वाधिक सात लाखांहून अधिक ज्येष्ठ नागरिकांनी नोव्हेंबर महिन्यात दिवाळीनिमित्त प्रवास केल्याचे स्पष्ट झाले आहे.

या योजनेतून पुणे एसटी विभागाला ५४ कोटी ७१ लाख ८५ हजार ४६१ रूपये उत्पन्न मिळाले असून, संबंधित रक्कम राज्य सरकारकडून एसटी महामंडळाला वितरीत केली जाते. प्रत्येक तीन महिन्यांच्या टप्प्यांनुसार संबंधित रक्कम एसटी महामंडळाला वितरीत केली जात असल्याची माहिती एसटी महामंडळाच्या अधिकाऱ्यांकडून देण्यात आली.

अमृत ज्येष्ठ नागरिक योजनेअंतर्गत ७५ वर्षांवरील नागरिकांनी एसटीने प्रवास करून पुणे एसटी विभागाला उत्स्फूर्त प्रतिसाद दिला आहे. जास्तीत जास्त ज्येष्ठांनी या योजनेचा लाभ घ्यावा. – अरुण सिया, विभाग नियंत्रक, पुणे

२०२५ मधील लाभार्थी आणि मिळालेले उत्पन्न