शिरूर लोकसभा मतदारसंघातून राष्ट्रवादी काँग्रेसचा उमेदवार कोण असेल, याची चाचपणी सुरू झाली आहे. विद्यमान खासदार डॉ. अमोल कोल्हे यांच्याबरोबरच माजी मंत्री दिलीप वळसे पाटील यांचे नाव चर्चेत असतानाच माजी आमदार विलास लांडे यांनीही शिरूर लोकसभा मतदारसंघातून निवडणूक लढविण्यासंदर्भात दंड थोपटले आहेत. त्यामुळे शिरूर लोकसभा मतदारसंघात पक्षांतर्गतच इच्छुकांची संख्या वाढत असल्याने पक्षनेतृत्वापुढे उमेदवार निवडीचा पेच निर्माण होण्याची शक्यता आहे.
हेही वाचा >>> दहावीतील गुणफुगवटा ओसरला; गुणवंतांमध्ये घट, चार वर्षांतील नीचांकी निकाल
आगामी लोकसभा निवडणुकीच्या दृष्टीने राष्ट्रवादी काँग्रेसकडून मतदारसंघाची आढावा बैठक घेण्यात आली. पक्ष संघटना मजबूत करण्याबरोबरच लोकसभा निवडणुकीच्या संभाव्य उमेदवारांच्या नावाची चर्चाही या बैठकीत करण्यात आली. त्यावेळी शिरूर लोकसभा मतदारसंघातून माजी मंत्री दिलीप वळसे पाटील यांचेही नाव पुढे आल्याची चर्चा राष्ट्रवादी काँग्रेसच्या कार्यकर्त्यांमध्ये सुरू झाली आहे. दिलीप वळसे पाटील सध्या परदेश दौऱ्यावर आहेत. ते पाच जून नंतर येणार आहेत. त्यानंतरच ते शिरूर लोकसभा मतदारसंघातून निवडून लढविण्यास इच्छुक आहेत की नाही, हे स्पष्ट होईल. मात्र विद्यमान खासदार डाॅ. अमोल कोल्हे
शिरूर लोकसभा मतदारसंघाचे खासदार डॉ. अमोल कोल्हे आहेत. मात्र अमोल कोल्हे राष्ट्रवादी काँग्रेसवर नाराज असून त्यांची भारतीय जनता पक्षाच्या नेत्यांबरोबरची जवळीक वाढत आहे. त्यामुळे ते भाजपमध्ये प्रवेश करतील, अशी चर्चा गेल्या काही दिवसांपासून सातत्याने होत आहे. या चर्चेत कोणतेही तथ्य नसल्याचे अमोल कोल्हे यांनी स्पष्ट केले आहे. तसेच मात्र डाॅ. कोल्हे भाजपमध्ये जाणार या चर्चेमुळेच दिलीप वळसे पाटील यांचे नाव पुढे करण्यात आल्याचेही बोलले जात आहे. शिरूर लोकसभा मतदारसंघातून माजी मंत्र दिलीप वळसे पाटील यांनी निवडणूक लढवावी, अशी मागणी करण्यात करण्यात आली होती. मात्र त्यांनी निवडणूक लढविली नाही.
हेही वाचा >>> पुणे: यंदाही कोकण विभाग अव्वल
रष्ट्रवादी काँग्रेसचे अध्यक्ष शरद पवार यांचे विश्वासू अशी दिलीप वळसे पाटील यांची ओळख आहे. त्यामुळे शिरूरमधून राष्ट्रवादी काँग्रेस
Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
