वारजे येथील रामनगर भागात गुंडाने एकावर गोळीबार केल्याची घटना शुक्रवारी रात्री घडली. या घटनेमुळे खळबळ उडाली. गोळीबाराची माहिती मिळताच पोलिसांनी घटनास्थळी धाव घेतली असून आरोपीचा शोध घेण्यात येत आहे. कार्तिक इंगवले असे गुंडाचे नाव आहे. इंगवले हा सराईत गुन्हेगार आहे. नुकताच तो मोक्का कारवाईतून कारागृहातूनबाहेर आला होता. त्यांनतर पुन्हा त्याने दहशत करण्यास सुरवात केली. शुक्रवारी रात्री इंगवले याने दुचाकीवरून जात असताना पाठीमागील दुचाकीस्वारावर गोळीबार केला. यामुळे एकच खळबळ उडाली. या घटनेत कुणीही जखमी नाही. घटनेची माहिती मिळताच वारजे पोलिसांनी घटनास्थळी धाव घेत आरोपीचा शोध सुरू केला आहे.
