PCMC Heavy Rain : पिंपरी-चिंचवड, हिंजवडी, चाकणमधील वाहतुकीची काय आहे परिस्थिती? वाहतूक पोलीस म्हणाले…

वाहतूक विभागाचे पोलीस उपायुक्त विक्रांत देशमुख यांनी दिलेल्या माहितीनुसार, भोसरी वाहतूक विभागात बाणाचा ओढा, माई वडेवाले चौक क्लाऊड नाईन हॉटेल परिसरात पाणी साठल्याने वाहतूक संथ गतीने चालू आहे. बावधन वाहतूक विभागात राधा चौक, ननावरे अंडरपास, भुगाव येथे पाणी साठल्याने वाहतूक संथ गतीने चालू आहे. चाकण वाहतूक विभागात वाकी फाटा येथील वाहतूक पाणी साठल्या कारणाने बंद करण्यात आली आहे.

दिघी आळंदी वाहतूक विभागात दाभाडे सरकार चौक येथील पूल, इंद्रायणी नदी जुना पूल, इंद्रायणी नदी नवीन पूल, पुणे शहर हद्दीतील मरकळ गावातील पूल आणि सिद्धबेट पूल पाण्याखाली गेल्याने वाहतूक बंद करण्यात आली आहे. श्री क्षेत्र आळंदी येथे सर्व प्रकारचे वाहने येण्यास मनाई करण्यात आली आहे.

वाकड वाहतूक विभागात ताथवडे अंडरपास (वाहतुकीस पूर्णपणेबंद),पुनावळे अंडरपास (वाहतूक संथ गतीने) आणि रिव्हर व्ह्यू चौकातील पूल थेरगाव (वाहतुकीस पूर्णपणे बंद) करण्यात आला आहे. सांगवी वाहतूक विभागात एमएम चौक येथून चिंचवडकडे येणारी वाहतूक बंद करण्यात आली आहे. साई चौक पाणी साठल्याने बंद असून रहाटणी येथील पूल पाणी साठल्याने बंद करण्यात आला आहे. निगडी वाहतूक विभागात रिव्हर व्ह्यू चौक पूर्णपणे बंद असून केशवनगर चिंचवड, रुद्र पार्किंग, भेळ चौक गीता वडापाव हा रस्ता महानगरपालिकेने मॅन हॉल उघडे असल्याने बंद केले आहे.

पिंपरी वाहतूक विभागातील वल्लभनगर अंडरपास पूर्णपणे आणि साई चौक अंडरपास पूर्णपणे बंद आहे. हिंजवडी वाहतूक विभागात शनी मंदिर इंदिरा कॉलेज समोर पाणी साठले असल्याने बंद, ताथवडे अंडरपास हिंजवडी कडील बाजू पाणी साठल्याने बंद, सूर्या अंडरपास व सयाजी अंडरपास येथे पाणी साचले असून वाहतूक संथ गतीने चालू आहे. म्हाळुंगे वाहतूक विभागात आळंदी फाटा येथून आळंदीकडे जाण्यास बंद, केबीएम कंपनी येथील नाला पूल खचला असून वाहतूक बंद आहे.

चिखली वाहतूक विभागात हवालदार वस्ती ते आळंदी, डायमंड चौक येथून मोईकडे जाण्यास बंदी,चिखली कमान ते चिखली स्मशान रोड बंद करण्यात आला आहे. लक्ष्मी चौक, कुदळवाडी, पाटील नगर, जाधव सरकार चौक येथे पाणी साचले आहे. देहूरोड वाहतूक विभागातील सेंट्रल चौकातील वाहतूक बदल सुरू केला आहे. शिंदे पेट्रोल पंप येथील दोन्ही सर्विस रोड पाण्याखाली गेले आहेत. तळेगाव वाहतूक विभागातहॉटेल इंद्रायणी घोराडेश्वर मंदिर समोर, हॉटेल थंड मामला येथे डोंगरातून आलेले पाणी, तळेगाव चाकण रोड वरील देव फाटा येथे पाणी साठले आहे.