पुणे जिल्ह्यातील पिंपरी-चिंचवडमध्ये जुन्या मुंबई पुणे महामार्गावर पुण्याहुन मुंबईकडे जाणाऱ्या रस्त्यावर आकुर्डी येथे एक भीषण अपघात झालाय. भरधाव आलेली दुचाकी डिव्हायडरला धडकल्याने झालेल्या अपघातात बाईकवरील दोन जणांचा मृत्यू झाला आहे. हा अपघात इतका गंभीर होता की अपघातानंतर दुचाकीने पेट घेतला. या घटनेत दुचाकीवरील आर्यन परमार आणि श्वेता गजबे यांचा मृत्यू झाला आहे. हा अपघात सीसीटीव्हीमध्ये कैद झाला आहे. दरम्यान, आज पहाटे साडेपाचच्या सुमारास मुंबई-पुणे एक्सप्रेस-वेवरही एक भीषण अपघात झाला ज्यात तीन जणांचा जागील मृत्यू झाला. या विचित्र अपघातामध्ये सहा गाड्या एकमेकांना धडल्या.