पिस्तुल बाळगणाऱ्या सराईत गुन्हेगाराला सिंहगड रस्त्यावर पोलिसांनी पाठलाग करुन पकडले. त्याच्याकडून देशी बनावटीचे पिस्तुल आणि एक काडतुस जप्त करण्यात आले.केशव अशोक राठोड (वय २४, रा. चरवडवस्ती, वडगाव बुद्रुक) असे अटक करण्यात आलेल्याचे नाव आहे. सिंहगड रस्ता परिसरातील क्षेत्रीय कार्यालयाजवळ राठोड थांबला होता. त्याच्याकडे पिस्तुल असल्याची माहिती तपास पथकातील पोलीस कर्मचारी अमेय रसाळ आणि देवा चव्हाण यांना मिळाली. पोलिसांनी तेथे सापळा लावला. पोलिसांना पाहताच राठोड पळाला. त्यानंतर पोलिसांनी त्याला पाठलाग करुन पकडले. त्याच्याकडून पिस्तुल आणि एक काडतुस जप्त करण्यात आले. वरिष्ठ पोलीस निरीक्षक शैलेश संखे, गुन्हे शाखेचे पोलीस निरीक्षक जयंत राजूरकर यांच्या मार्गदर्शाखाली सहायक निरीक्षक सचिन निकम, गणेश मोकाशी, आबा उत्तेकर, संजय शिंदे, अमित बोडरे यांनी ही कारवाई केली.
