पिंपरी : पिंपरी-चिंचवड शहरातील डांबरी व सिमेंट रस्त्याच्या विकासकामाचा निविदा स्वीकृत दर ४० टक्क्यांपेक्षा कमी दराने आल्याने १५ कामांमध्ये गंभीर त्रुटी आढळून आल्या आहेत. या कामाच्या ठेकेदारांकडून पैसे वसूल केले जाणार असल्याची माहिती मुख्यमंत्री एकनाथ शिंदे यांनी दिली.

पिंपरी-चिंचवड महापालिका हद्दीतील डांबरी व सिमेंट रस्त्याच्या कंत्राटदाराने केलेल्या कामाच्या दर्जाबाबत आमदार अश्विनी जगताप यांनी प्रश्न विचारला हाेता. रस्त्याच्या कामाचा दर्जा व गुणवत्तेबाबत प्रश्न निर्माण झाल्याने जानेवारी २०२२ ते जानेवारी २०२३ या कालावधीत आलेल्या ४४ तक्रारींची पुण्यातील कॉलेज ऑफ इंजिनिअरिंग (सीओईपी) यांनी रस्त्याच्या कामाची पाहणी करून सहा महिन्यांपूर्वी चाैकशी अहवाल महापालिकेला सादर केला आहे. चाैकशी अहवालात रस्त्याच्या कामात अनेक त्रुटी असून कामे निकृष्ट दर्जाची असताना प्रशासनाच्या संगनमताने कंत्राटदाराने काेट्यवधी रुपयांची बाेगस देयके काढली आहेत. कनिष्ठ, उप अभियंता, कार्यकारी अभियंता व ठेकेदारांवर चाैकशी अहवालात ठपका ठेवण्यात आला आहे का, याप्रकरणी कंत्राटदारावर व संबंधित अधिकाऱ्यांवर काेणती कारवाई केली आहे, अशी विचारणा आमदार जगताप यांनी केली.

rumor, Vishal Agarwal absconding, pimpri chinchwad police, porsche car accident
विशाल अगरवाल पोलिसांच्या ताब्यातून फरार? पिंपरी चिंचवड पोलिसांनी केला खूलासा…
pimpri chichvad
पिंपरी: पोलीस आयुक्तालयासाठी मिळाली जागा; ‘या’ ठिकाणी होणार आयुक्तालय
woman crushed her lover with a stone
पिंपरी- चिंचवड: मित्राच्या मदतीने प्रेयसीने प्रियकराला दगडाने ठेचले; व्हिडीओ व्हायरल
vivek oberoi says after bollywood ostracized him he focused on business
बॉलीवूडने बहिष्कार टाकल्यावर व्यवसाय करून घर चालवलं; विवेक ओबेरॉय वस्तुस्थिती मांडत म्हणाला, “आज २९ कंपन्यांमध्ये…”
IAS Pooja Khedkar father Dilip Khedkar
Pooja Khedkar Father First Reaction : IAS पूजा खेडकर यांचे वडील दिलीप खेडकर यांची पहिली प्रतिक्रिया; म्हणाले, “माझ्या मुलीने चूक…”
female ias officers in maharashtra ias officer sujata saunik controversial ias officer pooja khedkar
उथळ अधिकाऱ्यांचा पर्दाफाश!
Young girl photoshoot on dam and she fell in dam water shocking video
VIDEO: जीव एवढा स्वस्त असतो का? रीलच्या नादात होत्याचं नव्हतं झालं; पाण्याच्या प्रवाहात तरुणी क्षणात दिसेनाशी झाली
After defeat of Ajit Pawars NCP in Pimpri-Chinchwad former corporators office bearers are uneasy
अजित पवारांच्या ‘राष्ट्रवादी’ला बालेकिल्ल्यात खिंडार?

हेही वाचा >>>पुणे : लष्कर न्यायालयात मिळणार आता लवकर ‘न्याय’… घेतला ‘हा’ निर्णय

मुख्यमंत्री शिंदे म्हणाले की, महापालिकेतील काही कामांचा आलेला स्वीकृत निविदा दर ४० टक्क्यांपेक्षा कमी दराने आला आहे. त्या कामांपैकी १५ कामांच्या गुणवत्ता व दर्जा तपासणीकामी महापालिकेमार्फत कॉलेज ऑफ इंजिनिअरिंग (सीओईपी) यांच्याकडे देण्यात आले हाेते. त्यांनी कामाची तपासणी केली असून महापालिकेला अहवाल प्राप्त झालेला आहे. अहवालामध्ये काही कामांमध्ये त्रुटी आढळून आल्या आहेत. काही ठिकाणी कामांची ठेकेदारांकडून दुरुस्ती किंवा कामाची रक्कम वसूल करून घेण्याबाबत नमूद केले आहे. अहवालाच्या अनुषंगाने महापालिकेकडून कार्यवाही करण्यात येत आहे. संबंधित ठेकेदारांकडून याेग्य ती दुरुस्ती किंवा रक्कम वसुली तसेच काेणी ठेकेदार, कर्मचारी, अधिकारी दाेषी आढळून आल्यास कारवाई करण्यात येणार आहे.

सीओईपीच्या अहवालातील शिफारशीनुसार कारवाई केली जाणार आहे. स्थापत्य विभागामार्फत त्याची प्रक्रिया सुरू असल्याचे महापालिका आयुक्त शेखर सिंह यांनी सांगितले.