पुणे महापालिकेच्या भामा आस खेड प्रकल्पाचे उद्घाटन उपमुख्यमंत्री अजित पवार आणि विरोधी पक्षनेते देवेंद्र फडणवीस यांच्या उपस्थितीत करण्यात आले. या कार्यक्रमाच्या आधी भाजपा आणि राष्ट्रवादीच्या कार्यकर्त्यांनी जोरदार घोषणाबाजी केली. पुणे शहराची ताकद गिरीश बापट अशा घोषणा भाजयुमोच्या कार्यकर्त्यांनी दिल्या. या घोषणांना उत्तर म्हणून राष्ट्रवादीच्या कार्यकर्त्यांनी दादा-दादा अशा घोषणा देण्यास सुरुवात केली. पुणे महानगरपालिकेच्या सभागृहात कार्यक्रम होता. उपमुख्यमंत्री अजित पवार, विरोधी पक्षनेते देवेंद्र फडणवीस, भाजपा प्रदेश अध्यक्ष आमदार चंद्रकांत पाटील, महापौर मुरलीधर मोहोळ, सभागृह नेते गणेश बिडकर यांच्यासह आजी माजी पदाधिकारी उपस्थित होते. मात्र या कार्यक्रमाच्या आधी भाजपा आणि राष्ट्रवादीचे कार्यकर्ते आमने-सामने आले होते.
