रिक्षात बसण्याआधी ‘हे’ वाचाच; पुण्यात रिक्षा भाडेवाढ, ‘आरटीओ’कडून नवे दरपत्रक जाहीर

एक सप्टेंबरपासून हे दर लागू करण्यात आले असून, त्यासाठी पुणे प्रादेशिक परिवहन कार्यालयाकडून (आरटीओ) नवीन दरपत्रक जाहीर करण्यात आले आहे.

दरम्यान, पुणे, पिंपरी-चिंचवड महानगरपालिका क्षेत्रात रात्री १२ ते पहाटे पाच या वेळेत २५ टक्के अधिक, तर ग्रामीण भागात रात्री ११ ते पहाटे ५ या वेळेत ४० टक्के जादा भाडे आकारण्यास ‘आरटीओ’कडून मान्यता देण्यात आली आहे. तसेच रिक्षा चालकांना मीटरमधील बदलांसाठी (रिकॅलिब्रेशन) २८ फेब्रुवारी २०२७ पर्यंत मुदत देण्यात आली आहे. तर १ मार्च २०२७ पासून सर्वच रिक्षा चालकांना इलेक्ट्रॉनिक मीटरप्रमाणेच भाडे आकारावे लागणार असल्याचे ‘आरटीओ’कडून स्पष्ट करण्यात आले आहे.

रिक्षाचे दरपत्रक

अंतर – जुने दर (रुपये) – नवे दर (रुपये)

१.५ किमी – २५ – ३०
२ किमी – ३४ – ४०
३ किमी – ५१- ६०
४ किमी – ६८ – ८०
५ किमी – ८५ – १००
६ किमी – १०२ – १२०
७ किमी – ११९ – १४०
८ किमी – १३६ – १६०
९ किमी – १५३ – १८०
१० किमी – १७० – २००

‘तक्रारीसाठी संपर्क’

‘रिक्षाच्या दरांविषयी तक्रार असल्यास ग्राहकांनी ८२७५३३०१०१ या व्हॉट्सॲप क्रमांकावर किंवा ०२०-२६०५८०८० या क्रमांकावर दूरध्वनीद्वारे किंवा rto.12-mh@gov.in ई-मेलवर संपर्क करावा,’ असे आवाहन पुणे प्रादेशिक परिवहन कार्यालयाकडून करण्यात आले आहे.