भीमा नदीतील जलपर्णीत अडकल्याने शेतकऱ्याचा बुडून मृत्यू | Loksatta

भीमा नदीतील जलपर्णीत अडकल्याने शेतकऱ्याचा बुडून मृत्यू

मल्हारी शेलार हे भीमा नदीवर वीजपंप चालू करण्यासाठी गेले होते.

भीमा नदीतील जलपर्णीत अडकल्याने शेतकऱ्याचा बुडून मृत्यू
बाळाची अवस्था चिंताजनक

भीमा नदीतील जलपर्णीत अडकल्याने पाण्यात बुडून एका शेतकऱ्याचा मृत्यू झाला आहे. पुणे जिल्ह्यातील वडगाव रासाई गावात ही घटना घडली. मल्हारी शेलार असे मृत शेतकऱ्याचे नाव आहे.
मल्हारी शेलार हे भीमा नदीवर वीजपंप चालू करण्यासाठी गेले असताना जलपर्णीत अडकल्याने त्यांचा बुडून मृत्यू झाला. या परिसरात मोठ्याप्रमाणात जलपर्णी पसरली आहे. त्यामुळे मृतदेह शोधण्यात अडचण येत होती.
पुणे शहरातून येणारं सांडपाणी मुळा-मुठा नदीत मिसळते आणि हेच पाणी पुढे भीमा नदीत जमा होते. त्यामुळे जिल्ह्याच्या पूर्व भागात नदीवर जलपर्णीचे मोठे आवरण तयार झाले आहे. हे सांडपाणी भीमा नदी प्रक्रिया केल्याशिवाय सोडता येत नाही. परंतु, या नियमाकडे सोयीस्कर दुर्लक्ष केले जाते. भीमा नदीच्या स्वच्छतेसाठी राज्य सरकारने ‘नमामि चंद्रभागा’ या प्रकल्पाची घोषणा केली आहे. मात्र अद्याप याचे कार्य सुरू झालेले नाही.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 02-03-2017 at 16:01 IST
Next Story
तिकिटाचे वाटप करताना आमदार जलील यांनी पैसे मागितले