नवीन विद्यापीठ कायद्याविरोधात भाजपा युवा मोर्चाचे कार्यकर्ते चांगलेच आक्रमक झाले आहेत. सोमवारी उच्च आणि तंत्रशिक्षण मंत्री उदय सामंत यांच्या बंगल्याच्या बाहेर भाजपा युवा मोर्चाच्या महिला कार्यकर्त्यांनी सकाळी पाच वाजल्यापासून आंदोलन सुरु केलं होते. त्यानंतर आता पुण्यात भाजपा युवा मोर्चाकडून विद्यापीठ सुधारणा कायदा त्वरित मागे घ्या अशा घोषणा देण्यात आल्या. यावेळी पुणे स्टेशन येथील व्हीव्हीआयपी सर्किट हाऊस बाहेरील रस्त्यावर पांढर्‍या रंगाने विद्यापीठ काळा कायदा मागे घ्या असे लिहून भाजपाकडून जोरदार घोषणाबाजी करण्यात आली.

या बातमीसह सर्व प्रीमियम कंटेंट वाचण्यासाठी साइन-इन करा

भाजपाच्या युवती युवा मोर्चाच्या निवेदिता एकबोटे यांनी विद्यापीठ काळे विधेयक मागे घ्या असे लिहित निषेध नोंदवला. यावेळी राज्य सरकार विरोधात जोरदार घोषणाबाजी देखील करण्यात आली. सर्किट हाऊस येथे उपमुख्यमंत्री अजित पवार बैठका घेत असतात. त्यामुळे अजित पवारांनी याची दखल घ्यावी, यासाठी सर्किट हाऊस बाहेरील रस्त्यावर आंदोलन करण्यात आले.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Pune bjp agitates against new university law abn 97 svk
First published on: 17-01-2022 at 23:21 IST