Pune city cold temperature below 20 degrees rainy conditions night punr print news ysh 95 | Loksatta

पुण्याची रात्र थंड; किमान तापमान २० अंशांखाली

पुणे शहर आणि परिसरातील रात्रीच्या किमान तापमानात अचानक घट झाली आहे. दिवसा अंशत: पावसाळी स्थिती आणि रात्री निरभ्र आकाशामुळे तापमानात घट होत आहे.

पुण्याची रात्र थंड; किमान तापमान २० अंशांखाली
संग्रहित छायाचित्र/लोकसत्ता

पुणे : पुणे शहर आणि परिसरातील रात्रीच्या किमान तापमानात अचानक घट झाली आहे. दिवसा अंशत: पावसाळी स्थिती आणि रात्री निरभ्र आकाशामुळे तापमानात घट होत आहे. शनिवारी (२४ सप्टेंबर) किमान तापमान अनेक दिवसांनंतर २० अंशांच्या खाली आले. येते चार-पाच दिवस तापमानातील ही घट कायम राहण्याची शक्यता पुणे वेधशाळेकडून व्यक्त करण्यात आली आहे.

सप्टेंबरच्या पहिल्या पंधरवड्यामध्ये पुणे, पिंपरी-चिंचवड शहर आणि परिसरामध्ये पावसाने हजेरी लावली. सध्या पावसाने विश्रांती घेतली आहे. मात्र, दिवसा अंशत: ढगाळ वातावरण निर्माण होत आहे. काही भागांत पावसाचा शिडकावाही होत आहे. अशा वातावरणात दिवसा मुळातच जमिनीचे तापमान कमी होत आहे. त्यानंतर रात्री बहुतांश भागात निरभ्र आकाशाची स्थिती निर्माण होत आहे. त्यामुळे जमिनीतून बाहेर पडणारी उष्णता वातावरणात निघून जात असल्याने रात्रीच्या किमान तापमानात गेल्या दोन-तीन दिवसांपासून घट दिसून येत आहे. शनिवारी तापमानात आणखी घट दिसून आली.

पुणे वेधशाळेच्या शिवाजीनगर केंद्रात शनिवारी १९.६ अंश सेल्सिअस किमान तापमानाची नोंद झाली. सरासरीच्या तुलनेत हे तापमान १.४ अंशांनी कमी होते. त्यामुळे रात्री आणि पहाटे हवेत गारवा जाणवत होता. दिवसाचे कमाल तापमानही काही प्रमाणात सरासरीच्या खाली ३०.१ अंश सेल्सिअस नोंदिवले गेले. शहराच्या पूर्व भागात लोहगाव केंद्रावर मात्र रात्रीचे किमान तापमान अद्यापही २० अंशांच्या पुढे आहे. या भागांत दिवसाचे कमाल तापमान कमी होऊन ते २९.८ अंशांपर्यंत खाली आले होते.

महिनाअखेरपर्यंत तापमानात घट

रात्रीच्या किमान तापमानातील घट सप्टेंबरच्या अखेरपर्यंत कायम राहण्याची शक्यता आहे. या कालावधीत किमान तापमान १८ ते १९ अंशांच्या आसपास राहण्याची शक्यता पुणे वेधशाळेने व्यक्त केली आहे. दिवसाचे कमाल तापमानही ३० अंशांच्या आसपास राहील. त्याचप्रमाणे महिन्याच्या शेवटपर्यंत पावसाळी स्थिती कायम राहणार असून, हलक्या स्वरूपाच्या पावसाची शक्यताही व्यक्त करण्यात आली आहे.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
पुणे : नवरात्रोत्सवानिमित्त शहरातील प्रमुख मंदिरांच्या परिसरात वाहतूक बदल

संबंधित बातम्या

राज ठाकरेंनी पुन्हा बोलून दाखवली मतं मिळत नसल्याची खंत? निवेदन घेऊन आलेल्यांना म्हणाले, “आम्ही फक्त…”
राज्यपालांना पदमुक्त करण्याबाबत उपमुख्यमंत्री देवेंद्र फडणवीस यांचे सूचक संकेत
१२८ मिनिटांत २८ राज्यांतील गोड खाद्यपदार्थ!; विक्रमाची नोंद ‘लिम्का बुक ऑफ रेकॉर्ड’मध्ये
‘राज्यपाल हटाव’च्या मुद्द्यावर संभाजीराजे-उदयनराजे आक्रमक, अजित पवार म्हणाले, “कोश्यारी खासगीत म्हणतात…”
पुणे काँग्रेसची मरगळ कधी दूर होणार ?

व्हिडिओ

ताज्या बातम्या
विश्लेषण : ‘द काश्मीर फाइल्स’ चित्रपट व्हल्गर? IFFI मधील विधानांमुळे पुन्हा फुटलं वादाला तोंड; नेमकं झालं तरी काय?
महाराष्ट्र-कर्नाटक सीमावादावर बोलताना भुजबळांनी करुन दिली बाळासाहेबांची आठवण; म्हणाले, “ते शेवटपर्यंत…”
Shraddha Murder Case: आफताब पूनावालावर तलवारीने हल्ल्याचा प्रयत्न झाल्यानंतर दिल्ली पोलिसांचा मोठा निर्णय
केळीचे खांब, फुलांनी सजला राणादा-पाठकबाईंच्या लग्नाचा मंडप, मेहंदी कार्यक्रमाची जोरदार तयारी सुरू
Video: पर्यटकांना वाघाला जवळून पाहण्याचा मोह नडला! वाघ अचानक उड्या मारत आला अन…