लॉजमध्ये नग्नावस्थेत आढळला तरुण-तरुणीचा मृतदेह; पुण्यातील धक्कादायक घटना

बराच वेळ दरवाजा वाजवूनही दरवाजा न उघडल्याने यासंदर्भात स्थानिक पोलिसांना माहिती देण्यात आल्यानंतर पोलिसांनी घटनास्थळी धाव घेतली.

Police Pune
पोलिसांना यासंदर्भात कळवण्यात आलं (फाइल फोटो सौजन्य पीटीआय)

पिंपरी-चिंचवडमध्ये प्रेयसीचा खून करून प्रियकराने गळफास घेऊन आत्महत्या केल्याची धक्कादायक घटना घडली आहे. दोघांचा मृतदेह हा दिघीमधील एका लॉजमध्ये नग्नावस्थेत आढळल्याने एकच खळबळ उडाली आहे. या प्रकरणामधील ३० वर्षीय आरोपी प्रकाश ठोसरने आधी प्रेयसीचा खून करून नंतर आत्महत्या केलीय.

पोलिसांनी दिलेल्या माहितीनुसार, गेल्या दोन वर्षांपासून मयत प्रकाश ठोसर आणि ३० वर्षीय विवाहित महिलेचे प्रेमसंबंध होते. ते दोघे दिघी परिसरातील एका लॉजमध्ये नेहमी भेटायचे. हे दोघे अनेकदा रात्री मुक्कामी यायचे आणि सकाळी निघून जायचे असं पोलिसांनी सांगितले आहे.

काल रात्री हे दोघे लॉजवर आले होते. त्यानंतर आज सकाळी चेक आऊट कऱण्याचा वेळ झाला तरी या दोघांनी रूमचा दरवाजा उघडला नसल्याचं तेथील कामगाराने दरवाजा ठोठावला. मात्र, बऱ्याच वेळानंतर देखील ते दरवाजा उघडत नसल्याने याची माहिती दिघी पोलिसांना देण्यात आली. पोलिसांनी लॉजवर येऊन दरवाजा तोडून रुममध्ये प्रवेश केला तेव्हा प्रकाशचा मृतदेह पंख्याला लटकलेल्या अवस्थेत होता. तर खाली जमीनीवर ३० वर्षीय महिलेचा मृतदेह आढळून आला. धक्कादायक बाब म्हणजे दोघांच्याही शरीरावर कपडे नव्हते.

प्रथमदर्शनी प्रकाशने विवाहित प्रेयसीचा खून करून आत्महत्या केली असल्याचा अंदाज दिघी पोलिसांनी व्यक्त केला आहे. या प्रकरणाचा अधिक तपास दिघी पोलीस करत आहेत. 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व पुणे बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Pune crime dead bodies of couple found in dighi lodge kjp scsg

Next Story
आमदारांना पुढे करून मुख्यमंत्र्यांच्या ‘त्या’ निर्णयांचे राष्ट्रवादीने श्रेय घेतले
ताज्या बातम्या