पुणे: “तू मोठी झालीयेस का हे पाहायचंय” असं सांगत बापाचा आपल्याच अल्पवयीन मुलीवर बलात्कार

सहा महिन्यांनंतर ही बलात्काराची घटना उघडकीस आली आहे.

Rape Case

पिंपरी-चिंचवड शहरात वडील आणि मुलीच्या नात्याला काळिमा फासणारी घटना घडली आहे. ४५ वर्षीय वडिलाने ११ वर्षीय अल्पवयीन मुलीवर बलात्कार केल्याची घटना उघडकीस आली आहे. या प्रकरणी नराधम बापाला वाकड पोलिसांनी बेड्या ठोकल्या आहेत. या घटनेप्रकरणी पीडित मुलीच्या आईने वाकड पोलिसात तक्रार दिली आहे. त्यानुसार गुन्हा दाखल करत आरोपीला अटक करण्यात आली आहे. 

पोलिसांनी दिलेल्या माहितीनुसार, ४५ वर्षीय आरोपी हा काही काम करत नाही. तर, पीडित मुलीची आई घरकाम करते. त्यामुळं त्या सकाळ पासून रात्री पर्यंत घराबाहेर असतात. तर पीडित ११ वर्षीय मुलीला ७ वर्षीय बहिण आणि ३ वर्षीय भाऊ आहे. सहा महिन्यांपूर्वी दोन्ही मुलांना बाहेर खेळायला लावून ‘तू मोठी झाली आहेस का’ हे पाहायचे आहे असे म्हणून ११ वर्षीय मुलीवर बापानेच बलात्कार केला होता. मात्र, ही बाब तुझ्या आईला सांगितलीस तर तुला ठार मारेन अशी धमकी दिली. यामुळं अल्पवयीन मुलीने अत्याचार सहन केला. 

दरम्यान, दोन दिवसांपूर्वी बापाने मुलीवर बळजबरी करत पुन्हा बलात्कार करण्याचा प्रयत्न केला. तेव्हा, मुलीने धाडस दाखवत त्याला विरोध केला. याचा राग आल्याने त्याने मुलीला बेदम मारहाण केली. दरम्यान, रात्री आई कामावरून घरी आल्यानंतर शेजारी राहणाऱ्या महिलेने मुलीला तिच्या वडिलांनी खूप मारहाण केली असून मोठमोठ्याने आवाज येत होता, अशी माहिती दिली. तेव्हा, आरोपी पतीला विचारणा केली असता त्याने वेगळंच उत्तर दिलं.

मात्र, मुलीला विश्वासात घेऊन विचारणा केली असता बळजबरी करत असल्याचं समोर आलं. तसेच सहा महिन्यांपूर्वी माझ्यावर बलात्कार केला असल्याचं मुलीने आईला सांगितलं. त्यानंतर होत असलेल्या अत्याचाराचं प्रकार समोर आला आहे. या घटनेप्रकरणी आरोपीला वाकड पोलिसांनी अटक केली आहे. घटनेचा अधिक तपास महिला पोलीस अधिकारी संगीता गोडे करत आहेत. .

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व पुणे बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Pune crime news father raped on minor girl in pcmc area vsk 98 kjp

Next Story
आमदारांना पुढे करून मुख्यमंत्र्यांच्या ‘त्या’ निर्णयांचे राष्ट्रवादीने श्रेय घेतले
ताज्या बातम्या