पुणे : गुंतवणुकीच्या आमिषाने व्यावसायिकाची ४८ लाखांची फसवणूक

या प्रकरणी चतु:शृंगी पोलिसांकडून गुन्हा दाखल करण्यात आला आहे.

पुणे : गुंतवणुकीच्या आमिषाने व्यावसायिकाची ४८ लाखांची फसवणूक
( संग्रहित छायचित्र )

खासगी वित्तीय संस्था तसेच शेअर बाजारात गुंतवणुकीच्या आमिषाने एकाने व्यावसायिकाची तब्बल ४८ लाख रुपयांची फसवणूक केल्याचे समोर आले आहे. या प्रकरणी चतु:शृंगी पोलिसांकडून गुन्हा दाखल करण्यात आला आहे.

दीपक रमेश शिंदे (वय,२७ रा.बाणेर) याच्या विरोधात गुन्हा दाखल करण्यात असून, याबाब एका व्यावसायिकाने चतु:शृंगी पोलीस ठाण्यात फिर्याद दिली आहे. आरोपी शिंदे आणि व्यावसायिकाची काही महिन्यांपूर्वी ओळख झाली होती. खासगी वित्तीय संस्था, शेअर बाजारातील गुंतवणूक तज्ज्ञ ओळखीचे असल्याची बतावणी शिंदेने व्यावसायिकाकडे केली होती. तसेच, गुंतवणुकीवर जादा परतावा मिळवून देण्याचे आमिष देखील शिंदेने व्यावसायिकाला दाखविले होते.

यानंतर त्या व्यावसायिकाकडून वेळोवेळी करून शिंदेने तब्बल ४८ लाख रुपये घेतले आणि त्यांना परतावा मात्र दिला नाही. आपली फसवणूक झाल्याचे व्यावसायिकाच्या लक्षात आल्यानंतर त्यांनी पोलिसांकडे तक्रार नोंदवली.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
पालखी सोहळय़ासाठी प्रथमच ‘कॅराव्हॅन’चा वापर ; वारीचे नियोजन व समन्वय वेगाने
फोटो गॅलरी