पुण्यातील खराडी येथील महालक्ष्मी लॉन्स समोरील १२ दुकानांना आज सकाळी आग लागली. ही आग शॉर्ट सर्किटमुळे लागल्याची शक्यता व्यक्त केली जात आहे. अग्निशामक विभागाच्या अधिकार्यांनी दिलेल्या माहितीनुसार,आज सकाळी नऊच्या सुमारास आग लागली. खराडी येथील महालक्ष्मी लॉन्स समोरील काही दुकानांना आग लागल्याची माहिती आम्हाला मिळाली. काही मिनिटांत आगीने रौद्र रूप धारण केले. या घटनेमध्ये तब्बल १२ दुकाने जळून खाक झाली आहेत. त्यामध्ये हॉटेल, प्लायवूड यांच्यासह विविध साहित्याची दुकाने जाळली आहे. यामध्ये लाखो रुपयांचे नुकसान झाले असून ही आग शॉर्ट सर्किटमुळे लागल्याची शक्यता आहे. शहरातील आणि पीएमआरडीएच्या अशा एकूण सहा वाहनांच्या मदतीने आगीवर नियंत्रण मिळविण्यात यश आले आहे.