मुंबई-बंगळुरू बाह्यवळण मार्गावर पुन्हा अपघात

अपघातात वाहनांचे नुकसान झाले. अपघातात तीन ते चार जण किरकोळ जखमी झाले. अपघाताची माहिती मिळताच पोलिसांनी घटनास्थळी धाव घेतली. अपघातात किरकोळ जखमी झालेल्यांना तातडीने खासगी रुग्णालयात दाखल करण्यात आले. त्यांच्यवर प्राथमिक उपचार करण्यात झाले. पोलिसांनी अपघातग्रस्त वाहने बाजूला काढली.

बाह्यवळण मार्गावर रात्री वर्दळ कमी नसल्याने वाहतूक कोंडी झाली नाही. क्रेनच्या सहायाने पोलिसांनी अपघातग्रस्त वाहने बाजूल काढण्यात आली, अशी माहिती पोलिसांनी दिली.बाह्यवळण मार्गावर नवले पूल परिसरात १३ मार्च रोजी सकाळी साडेसातच्या सुमारास एका भरधाव ट्रकने सिग्नलला थांबलेल्या वाहनांना धडक दिली. अपघातात एका दुचाकीस्वार तरुणाचा मृत्यू झाल्याची घटना घडली होती.

कात्रज बोगद्याकडून येणाऱ्या भरधाव ट्रकचालकाचे नियंत्रण सुटले. तीव्र उतारावर त्याने एकापाठोपाठ वाहनांना धडक दिली. धडक दिल्याने दुचाकीस्वार तरुणाचा मृत्यू झाला होता. नवले पूल परिसरात गेल्या वर्षी १३ नाेव्हेंबर रोजी साताऱ्याकडून मुंबईच्या दिशेने जाणाऱ्या कंटेनरचालकाचे नियंत्रण सुटून अपघात झाला होता.

कंटेनरने १० ते १२ वाहनांना धडक दिल्यामुळे लागलेल्या आगीत आठ जणांचा होरपळून मृत्यू झाला. या अपघातात नऊ ते दहा जण गंभीररीत्या जखमी झाले. बाह्यवळण मार्गावर होणारे गंभीर अपघात रोखण्यासाठी नवीन कात्रज बोगदा ते नवले पुलादरम्यान असलेल्या सात किलोमीटरच्या तीव्र उताराच्या अंतरात अवजड वाहनांसाठी वेगमर्यादा निश्चित करण्यात आली आहे.

मात्र, तो नियम सर्रास धुडकाविण्यात येत असल्याचे दिसते. त्यामुळे गंभीर अपघात घडतात. या अपघातांची दखल घेऊन वाहतूक पोलीस, राष्ट्रीय महामार्ग प्राधिकरण, महापालिकेने एकत्र येऊन या भागातील अपघात रोखण्यासाठी उपाययोजना केल्या होत्या. वाहनचालकांच्या बेदरकारपणामुळे या भागात अपघात होतात.