डेक्कन जिमखाना येथील छत्रपती संभाजी महाराज स्मारकासाठी केला जाणार एवढा खर्च !

महापालिकेच्या भवन विभागाच्या वतीने हे काम केले जाणार आहे. या कामासाठी महापालिकेने ३ कोटी १२ लाख २३ हजार रुपयांचे पूर्वगणनपत्रक तयार केले होते. तांत्रिक छाननी समितीने २० नोव्हेंबर २०२५ रोजी या अंदाजपत्रकास मान्यता दिली होती. त्यानंतर २ कोटी ६३ लाख ९४ हजार रुपयांच्या कामासाठी निविदा प्रक्रिया राबविण्यात आली. त्यानंतर हे काम देण्यात आले.

या प्रकल्पात स्मारक परिसरात मेघडंबरी दगडी बांधकामात उभारली जाणार आहे. तसेच, या भागातील भुयारी मार्ग अधिक आकर्षक करून परिसराचा विकास करण्यात येणार आहे. डेक्कन परिसराचे ऐतिहासिक आणि सांस्कृतिक महत्त्व लक्षात घेऊन स्मारकाचे जतन आणि सुशोभीकरण करण्यावर भर देण्यात येत असल्याचे भिमाले यांनी सांगितले.

दगडी मेघडंबरी आकर्षणाचे केंद्र

या प्रकल्पाचे मुख्य वैशिष्ट्य म्हणजे स्मारकाच्या ठिकाणी उभारण्यात येणारी भव्य ‘दगडी मेघडंबरी’ असणार आहे. पारंपारिक आणि रेखीव दगडी बांधकामात ही मेघडंबरी साकारली जाणार असून, त्यामुळे स्मारकाला एक ऐतिहासिक आणि राजेशाही स्वरूप प्राप्त होईल. केवळ मेघडंबरीच नाही, तर या परिसरातील महत्त्वाच्या भुयारी मार्गाचेही सुशोभीकरण केले जाणार आहे. भुयारी मार्गात आकर्षक रंगकाम, अद्ययावत प्रकाशयोजना आणि ऐतिहासिक संदर्भांची मांडणी करून तो प्रवाशांसाठी अधिक सुखकर आणि प्रेक्षणीय बनविण्याचा महापालिकेचा प्रयत्न आहे.

अशी झाली निविदा प्रक्रिया

महापालिकेच्या भवन विभागामार्फत या संपूर्ण प्रकल्पाचे नियोजन आणि अंमलबजावणी केली जाणार आहे. या कामासाठी पालिकेने सुरुवातीला ३ कोटी १२ लाख २३ हजार रुपयांचे पूर्वगणनपत्रक तयार केले होते. या अंदाजपत्रकास तांत्रिक छाननी समितीने २० नोव्हेंबर २०२५ रोजी मान्यता दिली होती. त्यानंतर प्रशासकीय प्रक्रिया पूर्ण करून २ कोटी ६३ लाख ९४ हजार रुपयांच्या कामासाठी निविदा प्रक्रिया पारदर्शकपणे राबविण्यात आली. सर्व तांत्रिक बाबींची पूर्तता झाल्यानंतर आता हे काम प्रत्यक्ष सुरू करण्याचा मार्ग मोकळा झाला आहे.

अधिक माहिती देताना भिमाले म्हणाले, ‘ डेक्कन परिसराला पुण्याच्या इतिहासामध्ये अनन्यसाधारण महत्त्व आहे. धर्मवीर छत्रपती संभाजी महाराज यांचे स्मारक हे केवळ एक वास्तू नसून ते आपल्या सर्वांचे स्फूर्तिस्थान आहे. या स्मारकाचे जतन करणे आणि परिसराचा विकास करणे ही काळाची गरज आहे. ऐतिहासिक महत्त्व लक्षात घेऊनच या सुशोभीकरणाचे डिझाइन तयार करण्यात आले आहे.’

या विकासकामामुळे परिसरातील पदपथ, स्वच्छता आणि सुशोभीकरण यामुळे पर्यटकांच्या संख्येतही वाढ होण्याची शक्यता आहे. या निर्णयामुळे शिवप्रेमी आणि पुणेकर नागरिकांमध्ये आनंदाचे वातावरण आहे. लवकरच या प्रत्यक्ष कामाला सुरुवात होऊन डेक्कन परिसराच्या सौंदर्यात मोठी भर पडणार आहे.