एकाच दिवसात ४० शस्त्र परवाने रद्द, पोलीस आयुक्त अमितेशकुमार यांचे आदेश

गेल्या दोन वर्षांत पोलीस आयुक्तांनी २८९ परवाने रद्द केले असून, शस्त्र परवाना मिळविण्यासाठी दाखल केलेले ४७६ अर्ज फेटाळून लावले. पोलीस आयुक्तांनी शस्त्र परवान्यांची पडताळणी केली. स्वसंरक्षणासाठी परवाना हवा असे कारण देऊन अनेकांनी पिस्तूल परवाने मिळवले होते. त्यानंतर पोलीस आयुक्तांनी अशा परवानाधारकांची चौकशी करण्याचे आदेश दिले. चौकशीत शस्त्र किंवा पिस्तूल परवाना असलेल्या व्यक्तीला कोणत्याही प्रकारची धमकी देण्यात आली नसल्याचे उघडकीस आले. अनेकांनी समाजात प्रभाव पाडण्यासाठी परवाने घेतल्याचे उघडकीस आले.

पोलीस आयुक्तांनी शस्त्र परवाना प्रक्रियेवर विशेष लक्ष दिले आहे. ज्याने परवाना मिळविला आहे. त्याची पार्श्वभूमी, सुरक्षा याबाबतची तपासणी करण्यात आली. त्यानंतर पोलीस आयुक्तांनी गेल्या दोन वर्षांत २८९ शस्त्र परवाने (वेपन लायसन्स) रद्द केले. शस्त्र परवाना मिळवण्यासाठी दाखल केलेले ४७६ अर्ज फेटाळून लावले.

शस्त्र बाळगण्याची गरज काय आहे, या बाबतची सखोल तपासणी केली जात आहे. ज्यांनी शस्त्र परवाने मिळवले आहेत. अशा प्रत्येक परवानाधारकाची सखोल पडताळणी करण्यात येत आहे. संबंधित पडताळणी प्रक्रिया पार पाडून पुढील निर्णय घेतला जात आहे.

• अमितेशकुमार, पोलीस आयुक्त