शहरात कोयता गँगने माजविलेल्या दहशतीमुळे पोलिसांनी आता कोयता विक्री करणाऱ्या व्यावसायिकांना आदेश दिले आहेत. कोयता खरेदी करणाऱ्या नागरिकांकडून आधारकार्ड घेण्याची सक्ती करण्यात आली आहे. कोयता खरेदी करणाऱ्याचे नाव आणि पत्ता नोंदवून घेण्याच्याही सूचना देण्यात आल्या आहेत. हेही वाचा >>>Kasba Chinchwad by-election: कसबा आणि चिंचवड पोटनिवडणूकीमध्ये आता ‘आप’ची एन्ट्री शहरात किरकोळ वादातून कोयते उगारुन दहशत माजविण्याच्या घटना घडल्या आहेत. दाेन दिवसांपूर्वी अप्पा बळवंत चौकात टोळक्याने किरकोळ वादातून एका महाविद्यालयीन युवकावर कोयत्याने वार केले होते. या प्रकरणात अल्पवयीन मुलांना विश्रामबाग पोलिसांनी ताब्यात घेतले होते. शहरातील बोहरी आळी परिसरात गुन्हे शाखेने कारवाई करुन १३५ कोयते जप्त केले होते. अल्पवयीन मुलांना सहज कोयते उपलब्ध होत असल्याने पोलिसांनी कोयता खरेदीसाठी आलेल्या नागरिकांकडून आधारकार्ड घ्यावे तसेच त्याचे नाव आणि पत्ता नोंदवून घ्यावा, असे आदेश दिले आहेत.
