पुण्यातील कल्याणीनगर भागात एका अल्पवयीन मुलाने आलिशान कारने दोघांना चिरडल्याची घटना घडली आहे. या प्रकरणी अल्पवयीन मुलाचे वडील विशाल अगरवाल, आजोबा सुरेंद्र अगरवाल आणि पब चालक, व्यवस्थापक यांना अटक करण्यात आली आहे. तर या अपघाताच्या घटनेमध्ये दररोज नवनवीन माहिती समोर येत आहे. या प्रकरणातील अल्पवयीन आरोपी मुलाच्या रक्ताच्या नमुन्यामध्ये फेरफार केल्याप्रकरणी ससून रुग्णालयाचे डॉ अजय तावरे, डॉ श्रीहरी हाळनोर आणि शिपाई अतुल घटकांबळे या तीन आरोपींना आज न्यायालयात हजर करण्यात आले. त्यावेळी सरकारी आणि बचाव पक्षाकडून युक्तीवाद झाला. त्यावेळी तिन्ही आरोपींना ७ दिवसांची पोलिस कोठडीची मागणी सरकारी वकिलांनी केली. त्या मागणीला बचाव पक्षाच्या वकिलांनी विरोध दर्शविला. मात्र त्यावर न्यायालयाने तिघा आरोपींना ५ जूनपर्यंत पोलीस कोठडी सुनावली आहे.

हेही वाचा : Porsche Accident: पोर्श अपघात प्रकरणी फडणवीसांची प्रतिक्रिया, “कुणालाही सोडणार नाही, लवकरच..”

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Pune porsche car accident police custody to sassoon doctors till june 5 blood sample changed svk 88 css