सदाशिव पेठेत इमारतीचा काही भाग काेसळला; अग्निशमन दलाकडून दहा रहिवाशांची सुटका

सदाशिव पेठेतील चारुदत्त अपार्टमेंट या तीन मजली इमारतीतील सीमा भिंत, गॅलरी, जिन्याचा काही भाग मध्यरात्री कोसळला.

Pune Sadashiv Peth building collapse rescue operation | Pune Fire Brigade rescue mission Charudatt Apartment | Sadashiv Peth structural collapse updates | Emergency rescue 10 residents Pune building

पुणे: सदाशिव पेठेत तीन मजली इमारतीचा भाग कोसळला; अग्निशमन दलाने १० रहिवासी आणि श्वानाची केली सुरक्षित सुटका (छायाचित्र:लोकसत्ता टीम)

पुणे : सदाशिव पेठेतील जुन्या तीन मजली इमारतीचा काही भाग कोसळून दहा रहिवासी अडकल्याची घटना मंगळवारी मध्यरात्री घडली. अग्निशमन दलाच्या जवानांनी घटनास्थळी धाव घेऊन तासाभराच्या प्रयत्नानंतर दहा रहिवाशांची सुटका केली. सुदैवाने या घटनेत कोणी जखमी झाले नाही. जवानांनी इमारतीत अडकलेल्या एका श्वानाची सुटका केली.

सदाशिव पेठेतील चारुदत्त अपार्टमेंट या तीन मजली इमारतीतील सीमा भिंत, गॅलरी, जिन्याचा काही भाग मध्यरात्री कोसळला. या इमारतीत पाच महिलांसह दहा रहिवासी अडकल्याची माहिती अग्निशमन दलाला मिळाली. त्यानंतर भवानी पेठेतील मुख्य अग्निशन केंद्रातून रेस्क्यू व्हॅन, जनता वसाहत अग्निशमन केंद्रातील बंब, तसेच जवान घटनास्थळी दाखल झाले.

या घटनेची माहिती मिळताच विश्रामबाग पोलीस ठाण्यातील पोलीस, महापालिकेच्या घरपडी विभागाचे अभियंता घटनास्थळी पाेहोचले. संभाव्य दुर्घटना टाळण्यासाठी अग्निशमन दलाचे अधिकारी प्रशांत गायकर आणि जवानांनी मदतकार्य सुरू केले.

हेही वाचा

अखेर दोन वर्षांनी ज्येष्ठ महिलेला मिळाला घराचा ताबा ! ज्येष्ठ नागरिकांचा निर्वाह आणि कल्याण अधिनियमान्वये न्याय

शिडी, सुरक्षा पट्टा (सेफ्टी बेल्ट), दोरीचा वापर करुन जवानांनी सीताबाई बागल (वय ७०), शुभम बागल (वय २३), वनमाला बागल (वय ४५), सुनंदा निरगुणे (वय ५२), संकेत बागल (वय २३), सुरेश बागल (वय ६०), स्वप्नील बागल (वय २४), चारुशीला कुलकर्णी (वय ५२), रुपाली माने (वय ४९), कमलाकर माने (वय ५५) यांनी सुटका केली, तसेच जेनी नावाच्या श्वानाची सुटका करण्यात आली. सुदैवाने या घटनेत कोणी जखमी झाले नाही, अशी माहिती अग्निशमन दलाचे अधिकारी प्रशांत गायकर यांनी दिली.