पुणे : यंदाच्या खरीप हंगामात सोयाबीन, मका, कापूस, तुरीची विक्रमी पेरणी झाली आहे. बुधवारअखेर (१० जुलै) सरासरीच्या ८१.९४ टक्के म्हणजे, ११६.३८ लाख हेक्टरवर पेरणी झाली आहे. मराठवाडा पेरण्यांमध्ये आघाडीवर आहे. कृषी विभागाने दिलेल्या माहितीनुसार, राज्यात खरिपाचे एकूण सरासरी क्षेत्र १४२ लाख हेक्टर आहे. यंदाच्या हंगामात बुधवारअखेर ११६.३८ लाख हेक्टरवर पेरणी झाली आहे. विभागनिहाय विचार करता, पुणे विभागात सर्वाधिक पेरा झाला आहे. त्या खालोखाल छत्रपती संभाजीनगर आणि लातूर विभागात पेरण्या झाल्या आहेत.

कोकण विभागात सरासरीच्या २३.४२ टक्के म्हणजे, ९६८७० हेक्टर, नाशिक विभागात ८०.२९ टक्के म्हणजे, १६,५७,७८८ हेक्टर, पुणे विभागात १०१.७९ टक्के म्हणजे, १०,८४,१६३ हेक्टर, कोल्हापूर विभागात ७४.०३ टक्के म्हणजे, ५,३९,१०३ हेक्टर, छत्रपती संभाजीनगरमध्ये ९३.०५ टक्के म्हणजे, १९,४४,८२६ हेक्टर, लातूर विभागात ९२.०४ टक्के म्हणजे, २५,४६,६८३ हेक्टर, अमरावती विभागात ८७.३२ टक्के म्हणजे, २७,५८,४४६ हेक्टर आणि नागपूर विभागात ५२.७६ टक्के म्हणजे, १०,१०,१५४ हेक्टरवर पेरणी झाली आहे.

rain, Coastal, Western Ghats,
किनारपट्टी, पश्चिम घाट परिसरात उद्यापासून तीन दिवस पावसाचा जोर
maharashtra mlc election final result list (1)
Maharashtra MLC Election Result: विधानपरिषद निवडणुकीत जयंत पाटील पराभूत; नेमकी कुणाची मतं कुणाकडे गेली?
BJP, Chintan, meeting,
भाजपची पुण्यातील चिंतन बैठक लांबणीवर, आता २१ जुलै रोजी नियोजन
Mark Rutte bicycle video
ना जाहिरातबाजी, ना सोहळा… ‘या’ देशाचे पंतप्रधान राजीनामा देऊन सायकलवर बसून घरी गेले, VIDEO व्हायरल
police, pune, drunk drivers,
पुणे : मद्यपींकडून पोलिसांच्या तिजोरीत कोट्यवधींची भर, दीड महिन्यात १६८४ जणांवर कारवाई; १२ कोटींचा दंड वसूल
Pune IAS officer Pooja Khedkar Photograph:
‘आयएएस’ अधिकारी की नववतनदारी?
Devendra Fadnavis On Uddhav Thackeray Anil Parab
“उद्धव ठाकरेंच्या शिवसेनेचे सेनापती…”, फडणवीसांकडून ठाकरे गटाच्या आमदाराचं तोंडभरुन कौतुक
Sadhu Vaswani bridge, Demolition,
पन्नास वर्षांपूर्वीचा साधू वासवानी पूल इतिहासजमा, पुलाच्या पाडकामाला प्रारंभ; कोरेगाव परिसरातील वाहतुकीची कोंडी सुटणार

हेही वाचा – पुणे : मद्यपींकडून पोलिसांच्या तिजोरीत कोट्यवधींची भर, दीड महिन्यात १६८४ जणांवर कारवाई; १२ कोटींचा दंड वसूल

मका, कापूस, सोयाबीनसह तेलबिया आणि कडधान्यांच्या पेरण्या वेगाने होत आहेत. मक्याचा पेरा १०१ टक्के म्हणजे, ८,९५,७३७ हेक्टर, तुरीचा पेरा ८१ टक्क्यांवर म्हणजे, १०,५४,४०६ हेक्टर, उडदाचा पेरा ८२ टक्के म्हणजे, ३,०५,०६९ हेक्टर, सोयाबीनचा पेरा, १०८ टक्के म्हणजे, ४४,८७,८४४ हेक्टर आणि कापसाचा पेरा ९० टक्क्यांवर म्हणजे, ३७,६८,२१४ हेक्टरवर झाला आहे. एकूण तृणधान्यांचा पेरा ४७ टक्क्यांवर, एकूण कडधान्यांचा पेरा ७५ टक्क्यांवर, एकूण तेलबियांचा पेरा १०५ टक्क्यांवर गेला आहे.

हेही वाचा – पोलीस दलात दहा ‘आयबाइक’ दाखल, गुन्हा घडताच तातडीने घटनास्थळी जाऊन पुरावे संकलित होणार

राज्यात सर्वदूर चांगला पाऊस झाल्यामुळे खरीप हंगामात १० जुलैअखेर विक्रमी पेरा झाला आहे. ऑगस्टअखेर पेरण्या होतात. त्यामुळे यंदा खरिपातील एकूण पेरा सरासरीपेक्षा जास्त म्हणजे, १४२ लाख हेक्टरपेक्षा अधिक होण्याचा अंदाज आहे. राज्यभरात खते, बियाणांची चांगली उपलब्धता आहे. – विनयकुमार आवटे, कृषी संचालक, विस्तार आणि विकास