पुणे : सावित्रीबाई फुले पुणे विद्यापीठाला ‘टाइम्स हायर एज्युकेशन आशिया अवॉर्ड २०२२’ चे ‘द डेटा पॉइंट रिसर्च इम्प्रुव्हमेंट अवॉर्ड’ जाहीर झाले. संशोधन क्षेत्रातील विशेष कामगिरीबद्दल हा पुरस्कार विद्यापीठाला मिळाला.

या बातमीसह सर्व प्रीमियम कंटेंट वाचण्यासाठी साइन-इन करा

टाइम्स हायर एज्युकेशनतर्फे प्रसिद्ध होणाऱ्या क्रमवारीतून आशिया खंडातील शैक्षणिक संस्था आणि विद्यापीठे यांचे मूल्यमापन केले जाते. त्यानुसार आशियातील विद्यापीठांच्या संशोधनाच्या कामगिरीच्या मूल्यमापनामध्ये पाचशे विद्यापीठे आणि उच्च शैक्षणिक संस्थांमधून अंतिम गटात आठ शैक्षणिक संस्थांची संशोधनातील कामगिरी उत्तम होती. त्यात सावित्रीबाई फुले पुणे विद्यापीठ सर्वोत्तम ठरले. सावित्रीबाई फुले पुणे विद्यापीठाला मिळालेल्या पुरस्काराबद्दल कुलगुरू डॉ. कारभारी काळे यांनी सर्व घटकांचे अभिनंदन केले. विद्यापीठाचे प्र-कुलगुरू डॉ. संजीव सोनवणे, कुलसचिव डॉ. प्रफुल्ल पवार, अंतर्गत गुणवत्ता सिद्धता कक्षाच्या संचालिका डॉ. सुप्रिया पाटील आदी या वेळी उपस्थित होते.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Savitribai phule pune university get research award from times higher education pune print news zws
First published on: 28-06-2022 at 17:29 IST