Sheetal Tejwani : शीतल तेजवानीच्या पोलीस कोठडीत वाढ

कोरेगाव पार्क येथील ४० एकर शासकीय जमिनीच्या बेकायदेशीर विक्री प्रकरणात मुख्य आरोपी शीतल तेजवानीच्या पोलीस कोठडीत न्यायालयाने २९ डिसेंबरपर्यंत वाढ करण्याचे आदेश दिले आहेत.

Sheetal Tejwani Bavdhan police custody extended in Koregaon Park government land scam Damania pune

कोरेगाव पार्क जमीन घोटाळा प्रकरणात शीतल तेजवानीच्या पोलीस कोठडीत २९ डिसेंबरपर्यंत वाढ. (संग्रहित छायाचित्र)

पुणे : कोरेगाव पार्क जमीन गैरव्यवहार प्रकरणात शीतल तेजवानीच्या पोलीस कोठडीत २९ डिसेंबरपर्यंत वाढ करण्याचे आदेश न्यायालयाने मंगळवारी दिले.

तेजवानीला तपासाच्या अनुषंगाने पिंपरी-चिंचवड पोलीस आयुक्तालयातील बावधन पोलिसांनी ताब्यात घेतले. तिच्या पोलीस कोठडीची मुदत संपल्यानंतर मंगळवारी न्यायालयात हजर करण्यात आले.

कोरेगाव पार्क येथील ४० एकर शासकीय जमीन अमेडिया कंपनीला विक्री करण्यासाठी तेजवानीच्या कार्यालयातील कामगाराने (ऑफिस बाॅय) कंपनीचा भागीदार म्हणून अभिनिर्णय प्रक्रियेचा अर्ज, तसेच प्रतिज्ञापत्र, अधिकार पत्रावर स्वाक्षरी केल्याचे तपासात उघडकीस आले आहे. त्या अनुषंगाने तेजवानी आणि ऑफिस बाॅयमध्ये झालेले व्यवहार आणि दस्तांच्या देवाण-घेवाणीबाबत तपास सुरू असल्याची माहिती बावधन पोलिसांनी न्यायालयात दिली.

हेही वाचा

मुंबई-पुण्यात घर घ्यायचंय? आता हे परवडण्याजोगे असल्याचा अहवालाचा निष्कर्ष

सामाजिक कार्यकर्त्या अंजली दमानिया आणि माहिती अधिकार कार्यकर्ते विजय कुंभार यांनी दिलेल्या माहितीचा दाखल बावधन पोलिसांनी न्यायालयात दिला. याप्रकरणात माहिती अधिकार कार्यकर्त्यांनी खुलासे केले आहेत. ते पोलिसांकडे सादर करण्यात आलेले आहेत. तेजवानी तपासात सहकार्य करत नाही.

तेजवानीने दस्तासाठी वकिलांना दिलेली रक्कम, समाज माध्यमात प्रसारित झालेल्या कागदपत्रांविषयी तपास करायचा आहे. त्या दृष्टीने तिच्या पोलीस कोठडीत वाढ करण्याची विनंती बावधन पोलीस ठाण्याचे वरिष्ठ पोलीस निरीक्षक अनिल विभुते आणि सरकारी वकील नितीन अडागळे यांनी केली.