पुणे : सारे प्रेक्षकांसमोर सादर व्हावे, अशीच मानसिकता असलेल्या पुणे महापालिकेच्या पारदर्शी कारभाराचे वास्तव समोर आले आहे. नाटक सुरू होण्याचे आणि संपण्याचे सूचन करण्यासाठी वापरला जाणारा पडदा नादुरुस्त झाल्यामुळे घोले रस्त्यावरील पंडित जवाहरलाल नेहरू सांस्कृतिक भवनमध्ये ‘पडद्या’विना नाटकाचा प्रयोग करण्याची वेळ रंगकर्मींवर आली आहे. येथील पडद्याची यंत्रणा निकामी झाली असून निधीअभावी दुरुस्ती रखडल्याची सबब अधिकारी देत आहेत.

या बातमीसह सर्व प्रीमियम कंटेंट वाचण्यासाठी साइन-इन करा

इतर नाट्यगृहांप्रमाणे नेहरू भवनमध्येही पडदा हलविण्यासाठी यांत्रिक सोय उपलब्ध आहे. परंतु, त्या यंत्रणेतच बिघाड झाल्याने या पडद्याचा वापर होऊ शकत नाही. दोन व्यक्तींनी दोरी धरून ओढली तरच पडदा खेचला जाऊ शकतो. मात्र, हा पर्याय व्यवहार्य नसल्याने कलाकार त्याचा अवलंब करत नाही. २३ जानेवारीपासून येथे हिंदी राज्य नाट्य स्पर्धा रंगणार आहे. त्यापूर्वी यंत्रणा दुरुस्त करावी, अशी विनंती करणारे पत्र स्पर्धेचे समन्वयक राहुल लामखडे यांनी नाट्यगृह व्यवस्थापकांना दिले. मात्र, निधी नसल्याचे कारण महापालिकेच्या अधिकाऱ्यांनी दिले आहे. नाटकाच्या प्रकाशयोजनेसाठी वापरले जाणारे या नाट्यगृहातील लाइट बारही नादुरुस्त आहेत. त्यावर दिवे अडकवता येत असले तरी ते वर-खाली करण्याच्या सुविधेत बिघाड झाला आहे. हा बिघाडही दुरुस्त करण्याची मागणी कलाकारांनी केली आहे.

More Stories onपुणेPune
Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Stage drama without screen in pune system failure at nehru cultural bhawan pune print news ysh
First published on: 17-01-2023 at 09:20 IST