Premium

राष्ट्रवादी पक्षात येण्यास अनेक जण इच्छुक, मला खासगीत…जयंत पाटील

पक्ष फोडण्याच पाप कोण करत आहे हे सर्वांना माहीत…त्यांना जनताच!

State president of NCP Jayant Patil inaugurated the party office of Sharad Pawar group in Pimpri with great pomp
पिंपरी- चिंचवड: राष्ट्रवादी पक्षात येण्यास अनेक जण इच्छुक, मला खासगीत…जयंत पाटील

पिंपरी- चिंचवड:राष्ट्रवादीचे प्रदेशाध्यक्ष जयंत पाटील यांनी पिंपरीतील शरद पवार गटाच्या पक्ष कार्यालयाचे मोठ्या थाटात उद्घाटन केले. यावेळी सभेला संबोधित करत असताना खासगीत अनेक जण पक्षात येण्या संदर्भात बोलतात, पण जाहीरपणे बोलून त्यांना मी अडचणीत आणणार नाही. असं म्हणत त्यांनी अप्रत्यक्षपणे शरद पवार गटात अनेक जण येण्यास इच्छुक असल्याचा स्पष्ट केले आहे.पिंपरीतील राष्ट्रवादी शरद पवार गटाच्या पक्ष कार्यालयाचे उद्घाटन जयंत पाटील यांच्या हस्ते करण्यात आले. यावेळी शहराध्यक्ष तुषार कामठे यांच्यासह इतर कार्यकर्ते पदाधिकारी उपस्थित होते. त्यांनतर झालेल्या सभेत प्रदेशाध्यक्ष जयंत पाटील यांनी विरोधकांवर चौफेर टीका करत चांगलीच फटकेबाजी केली.

या बातमीसह सर्व प्रीमियम कंटेंट वाचण्यासाठी साइन-इन करा

जयंत पाटील म्हणाले, राज्यामध्ये बदलाचं राजकारण होत आहे. परंतु, हे फार काळ टिकत नाही. आजही अनेक जण शरद पवार गटात येण्यास इच्छुक आहेत. ते मला खासगी बोलतात मी जाहीरपणे बोलून त्यांना अडचणीत आणणार नाही. राज्यातील हे वातावरण कोणामुळे होत आहे? पक्ष फोडण्याचा काम कोण करत आहे? हे चातुर्य कोणाच आहे?, हे महाराष्ट्राच्या जनतेला कळल आहे. म्हणून आगामी निवडणुकांमध्ये त्यांना त्यांची जागा जनताच दाखवेल अशी टीका जयंत पाटील यांनी विरोधकांवर केली. पुढे ते म्हणाले की, चार राज्यातील निकाल लागणार आहे तो काय लागेल हे माहीत नाही पण त्या ठिकाणची जनता प्रचंड त्रस्त होती हे मी सोशल मीडियाच्या माध्यमातून बघायला मिळालं. पिंपरी- चिंचवड शहरांमधील अनधिकृत बांधकाम, रेड झोन अशी अनेक प्रश्न प्रलंबित आहेत. केवळ सत्ताधाऱ्यांनी आश्वासने दिली. पण ते प्रश्न सोडवू शकले नाहीत. पिंपरी- चिंचवडकरांनी सत्ताधाऱ्यांना हा जाब विचारला पाहिजे. पुण्याचे शहराध्यक्ष प्रशांत जगताप यांच्याबाबत बोलताना जयंत पाटलांनी विचारांशी एकनिष्ठ असलेला कार्यकर्ता असल्याचं सांगितलं. त्यांची पुण्याच्या शहराध्यक्षपदी अजित पवार यांनीच नियुक्ती केली होती. तरी देखील ते शरद पवार गटासोबत आहेत. ते एकनिष्ठ आणि विचारांशी बांधिलकी असलेला कार्यकर्ता असल्याचा उल्लेख त्यांनी केला..

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: State president of ncp jayant patil inaugurated the party office of sharad pawar group in pimpri with great pomp kjp 91 amy

First published on: 03-12-2023 at 06:41 IST

आजचा ई-पेपर : पुणे

वाचा