पुणे : शेगाव आणि जलंब स्थानकावर दोन रेल्वे गाड्यांना थांबा देण्याचा निर्णय रेल्वे प्रशासनाने घेतला आहे. सहा महिन्यांसाठी प्रायोगिक तत्त्वावर हा थांबा देण्यात आला आहे.पुणे-नागपूर-पुणे या साप्ताहिक गाडीला पुढील सहा महिने शेगाव स्थानकावर थांबा देण्यात आला आहे. पुण्याहून ३० मार्चला सुटणारी पुणे-नागपूर एक्स्प्रेस ही गाडी शेगाव स्थानकावर सकाळी ७.४० वाजता पोहोचेल आणि ७.४१ वाजता पुढे मार्गस्थ होईल.
नागपूरवरून ३१ मार्चला सुटणारी नागपूर-पुणे एक्स्प्रेस शेगाव स्थानकांवर रात्री ७.४० वाजता पोहोचेल आणि ७.४१ वाजता पुढे मार्गस्थ होईल. कोल्हापूर-गोंदिया-कोल्हापूर या गाडीला जलंब स्थानकावर पुढील सहा महिन्यांसाठी थांबा देण्यात आला आहे. कोल्हापूर-गोंदिया महाराष्ट्र एक्स्प्रेस ही गाडी सकाळी ९.०९ वाजता जलंब स्थानकावर पोहोचेल आणि ९.१० वाजता पुढे मार्गस्थ होईल. गोंदियाहून सुटणारी गोंदिया-कोल्हापूर महाराष्ट्र एक्स्प्रेस जलंब स्थानकावर दुपारी ३.५९ वाजता पोहोचेल आणि ४ वाजता पुढे मार्गस्थ होईल, असे रेल्वेच्या वतीने कळवण्यात आले आहे.
