VIDEO : अजित पवारांप्रमाणे उपमुख्यमंत्री सुनेत्रा पवारांची कार्यपद्धती! बारामतीत पहाटेच शेतकर्‍यांच्या नुकसानीची पाहणी

बारामती तालुक्यातील पणदरे, धुमाळवाडी आदी भागात अवकाळी पावसामुळे शेतकऱ्यांचे मोठे नुकसान झाले आहे. या पार्श्वभूमीवर राज्याच्या उपमुख्यमंत्री सुनेत्रा पवार यांनी रविवारी पहाटेच ग्रामीण भागात भेटी देत अवकाळी पावसामुळे नुकसान झालेल्या शेतकऱ्यांच्या बांधावर जाऊन पाहणी केली.

यावेळी त्यांनी नुकसानग्रस्त शेतकऱ्यांशी संवाद साधत त्यांना धीर दिला. तसेच, लवकरात लवकर पंचनामे पूर्ण करून शासनामार्फत मदत दिली जाईल, असे आश्वासन दिले.

यावेळी अधिकारीवर्ग, शेतकरी, नागरिक तसेच पक्षाचे पदाधिकारी मोठ्या संख्येने उपस्थित होते.

दरम्यान, माळेगाव सहकारी साखर कारखान्याच्या चेअरमनपदी निवड झाल्यानंतर उपमुख्यमंत्री सुनेत्रा पवार यांनी कारखान्यावर येत संचालकांसमवेत बैठक घेतली. या बैठकीत कारखान्यासंदर्भातील विविध विषयांवर चर्चा करण्यात आली.