पुणे : रिक्षाच्या धडकेत पादचाऱ्याचा मृत्यू झाल्याची घटना खडकवासला धरण परिसरात घडली. याप्रकरणी रिक्षाचालकाविरुद्ध गुन्हा दाखल करण्यात आला आहे.
संतोष माधव मते (वय ४७, रा. खडकवासला) असे मृत्युमुखी पडलेल्या पादचाऱ्याचे नाव आहे. याप्रकरणी रिक्षाचालक राेहित दत्तात्रय चव्हाण (रा. खडकवासला) याच्याविरुद्ध गुन्हा दाखल करण्यात आला आहे. याबाबत अविनाश माधव मते (वय ४५, रा. खडकवासला) यांनी नांदेड सिटी पोलीस ठाण्यात फिर्याद दिली आहे. पोलिसांनी दिलेल्या माहितीनुसार, संतोष मते हे १० मे रोजी खडकवासला धरण परिसरातून निघाले हाेते. त्या वेळी भरधाव रिक्षाने त्यांना धडक दिली.
अपघातात गंभीर जखमी झालेल्या मते यांचा उपचारांदरम्यान मृत्यू झाला. मते यांचे भाऊ अविनाश यांनी नुकतीच पोलिसांकडे तक्रार दिली. त्यानंतर याप्रकरणी गुन्हा दाखल करण्यात आला असून, रिक्षाचालक रोहित चव्हाण याने मद्यप्राशन करून अपघात केल्याचे मते यांनी फिर्यादीत म्हटले आहे. सहायक पोलीस निरीक्षक यादव तपास करत आहेत.
