पुणे : पुणे-मुंबई रस्त्यावरील बोपोडी भागात रात्रपाळीत गस्त घालणाऱ्या पोलीस हवालदाराला चिरडणाऱ्या मोटारचालक सिद्धार्थ उर्फ गोट्या केंगार याने मद्यप्राशन केल्याचे निष्पण्ण झाले आहे. विश्रांतवाडीतील धानोरी भागात वाढदिवसाच्या पार्टीत मद्यप्राशन करून जाताना हा अपघात झाला. पोलिसांनी केंगार याच्या दोन मित्रांना अटक केली आहे.

खडकी पोलीस ठाण्यात नियुक्तीस असलेले पोलीस हवालदार समाधान आनंदराव कोळी (वय ४४, सध्या रा. बोपोडी, मूळ रा. जळगाव) आणि सहकारी पोलीस कर्मचारी संजोग श्याम शिंदे (वय ३५) रविवारी मध्यरात्री बोपोडी भागात गस्त घालत होते. भुयारी मार्गाजवळ भरधाव मोटारीने दुचाकीला पाठीमागून धडक दिली. अपघातात दुचाकीस्वार शिंदे आणि कोळी जखमी झाले. मोटारीच्या चाकाखाली सापडून कोळी यांचा उपचारांपूर्वीच मृत्यू झाल्याचे उघडकीस आल्यानंतर पोलीस दलात खळबळ उडाली.अपघातानंतर पसार झालेला मोटारचालक केंगार (वय २४, रा. बोपोडी) याला अटक करण्यात आली आहे. केंगार अपघात करून घरी जाऊन झोपला होता. त्याने मोटार घरापासून काही अंतरावर लावली होती.

News About IAS Pooja Khedkar
IAS पूजा खेडकरांचा भलताच रुबाब; वरीष्ठ अधिकाऱ्यांचं टेबल हटवलं, ऑडीला लाल दिवा लावल्याचा ‘कार’नामा समोर
interfaith marriage brother kills sister s husband in moshi kjp
आंतरधर्मीय विवाह करणाऱ्या बहिणीच्या पतीची भावाने केली हत्या; असा रचला कट आणि काढला काटा
navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत
rumor, Vishal Agarwal absconding, pimpri chinchwad police, porsche car accident
विशाल अगरवाल पोलिसांच्या ताब्यातून फरार? पिंपरी चिंचवड पोलिसांनी केला खूलासा…
IAS Puja Khedkar
IAS Pooja Khedkar : पूजा खेडकरचा आणखी एक प्रताप समोर; दिव्यांग असल्याचे सांगून UPSC परीक्षेत मिळवली सूट
maharashtra mlc election final result list (1)
Maharashtra MLC Election Result: विधानपरिषद निवडणुकीत जयंत पाटील पराभूत; नेमकी कुणाची मतं कुणाकडे गेली?
pooja khedkar ias news in marathi
IAS पूजा खेडकर यांचे कारनामे दिल्लीपर्यंत पोहोचले; थेट पंतप्रधान कार्यालयानं घातलं लक्ष, LBSNAA नंही मागवला अहवाल!
Mumbai BMW Hit and run case latest update
Worli Hit And Run Case : मिहीर शाहच्या मित्राची ‘ती’ एक चूक अन् पोलिसांनी आवळल्या साऱ्यांच्याच मुसक्या! अटकेचा घटनाक्रम वाचा

हेही वाचा >>>अकरावीच्या प्रवेश प्रक्रियेतील दुसरी गुणवत्ता यादी उद्या… प्रवेश कधीपर्यंत घेता येणार?

केंगार याच्यासोबत मोटारीत आणखी कोण होते, या दृष्टीने पोलिसांकडून तपास करण्यात आला. त्यानंतर पोलिसांनी राॅबिन आठवल आणि सिद्धार्थ लालबिगे या दोघांना अटक केली. हे तिघे विश्रांतवाडीतील धानाेरी भागात मित्राचा वाढदिवस साजरा करण्यासाठी गेले होते. पोरवाल रस्त्यावर चैाघांनी मद्यप्राशन केले. पार्टी झाल्यानंतर केंगार आणि मित्र मोटारीतून मध्यरात्री एकच्या सुमारास बोपोडीकडे निघाले. त्यानंतर बोपोडीतील भुयारी मार्गाजवळ मोटारचालक केंगारने दुचाकीवरील पोलिसांना धडक दिल्याचे पोलीस तपासात निष्पन्न झाले आहे.

केंगारची बेपर्वाई आणि मद्याची नशा

खडकी भागात मध्यरात्री केंगारला ओलांडून एक मोटारचालक पुढे गेला. मोटारचालक पुढे गेल्याने मद्याच्या नशेत असलेला केंगार चिडला आणि त्याने मोटारीचा वेग वाढविला. भरधाव वेग आणि बेपवाईमुळे अपघात झाला. त्यामध्ये कोळी यांचा मृत्यू झाल्याचे पोलिसांनी सांगितले.