‘अतिक्रमणांवरील कारवाईचा दैनंदिन अहवाल द्या’

शहरातील अतिक्रमणांची संख्या वाढत असून, नागरिकांना पदपथांवरून चालणे अवघड झाले आहे. महापालिकेने कारवाईसाठी अनेक ठिकाणी स्थिर तसेच फिरती पथकेही नियुक्त केली आहेत. मात्र, तरीही अतिक्रमणे होत असल्याने चित्र आहे. या पार्श्वभूमीवर शहरातील अतिक्रमणांविरोधात सातत्यपूर्ण कारवाई करा, अशा सूचना आयुक्तांनी दिल्या आहेत. अतिक्रमण विभागाचे प्रमुख तसेच अतिरिक्त आयुक्तांना अहवाल सादर करण्याचे आदेश देण्यात आले आहेत.

शहरातील सर्वच भागात अतिक्रमण विभागाने, फिरती पथके, स्थिर पथकांना नियमित कारवाई करण्याचे आदेश देण्यात आले आहेत. त्यानुसार दररोज आढावा घेतला जात आहे.- उपायुक्त संदीप खलाटे, उपायुक्त, अतिक्रमण विभाग, पुणे महापालिका