राज्यातील आठशेहून अधिक विनाअनुदानित तंत्रशिक्षण महाविद्यालयांनी यंदाच्या शैक्षणिक वर्ष २०२२-२३मध्ये शुल्कवाढ न करण्याचा निर्णय घेतला. त्यात अभियांत्रिकी, औषधनिर्माणशास्त्र, वास्तुकला, व्यवस्थापनशास्त्र आदी महाविद्यालयांचा समावेश असून, गेली दोन वर्षे करोनाच्या प्रादुर्भावामुळे आर्थिक अडचणीत असलेल्या विद्यार्थ्यांना या निर्णयाचा फायदा होऊ शकणार आहे.

या बातमीसह सर्व प्रीमियम कंटेंट वाचण्यासाठी साइन-इन करा

राज्यातील विनाअनुदानित तंत्रशिक्षण महाविद्यालयांना शुल्क निर्धारण प्राधिकरणाकडून (एफआरए) दरवर्षी शुल्क मान्य करून घ्यावे लागते. त्यासाठी महाविद्यालयांना आवश्यक सर्व कागदपत्रांची पूर्तता करावी लागते. मात्र यंदाच्या शैक्षणिक वर्ष २०२२०-२३साठी राज्यातील आठशेहून अधिक तंत्रशिक्षण महाविद्यालयांनी शुल्कवाढ न करण्याचा निर्णय घेत त्या संदर्भातील प्रस्ताव एफआरएला सादर केला. या प्रस्तावांना एफआरएकडून मान्यता देण्यात आली. करोना काळातील आर्थिक अडचणींमुळे राज्यातील महाविद्यालयांच्या शुल्कांबाबत विविध प्रश्न निर्माण झाले होते. शैक्षणिक कामकाज ऑनलाइन पद्धतीने सुरू असल्याने विद्यार्थ्यांकडून शुल्कमाफी, शुल्क सवलतीची मागणी करण्यात येत होती. या पार्श्वभूमीवर महाविद्यालयांनी शुल्कवाढ न करण्याबाबत घेतलेला निर्णय विद्यार्थ्यांसाठी दिलासादायी आहे.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: This year there is no increase in fees from more than eight hundred technical education colleges in the state pune print news amy
First published on: 15-08-2022 at 15:35 IST