पुणे : नवरात्रोत्सवानिमित्त शहरातील प्रमुख मंदिरांच्या परिसरात वाहतूक बदल | Traffic changes around major temples in the city on the occasion of Navratri festival pune print news amy 95 | Loksatta

पुणे : नवरात्रोत्सवानिमित्त शहरातील प्रमुख मंदिरांच्या परिसरात वाहतूक बदल

नवरात्रोत्सवानिमित्त शहरातील प्रमुख मंदिरांच्या परिसरात सोमवारपासून (२६ सप्टेंबर) वाहतूक बदल करण्यात येणार आहेत.

पुणे : नवरात्रोत्सवानिमित्त शहरातील प्रमुख मंदिरांच्या परिसरात वाहतूक बदल
चांदणी चौकातील वाहतूक रात्री अडीच तास बंद (संग्रहित छायाचित्र)

नवरात्रोत्सवानिमित्त शहरातील प्रमुख मंदिरांच्या परिसरात सोमवारपासून (२६ सप्टेंबर) वाहतूक बदल करण्यात येणार आहेत. नवरात्रोत्सवात भाविकांची श्री चतु:शृंगी मंदिर, श्री भवानी माता मंदिर, श्री तांबडी जोगेश्वरी मंदिरात मोठी गर्दी होते. प्रमुख मंदिरांच्या परिसरात वाहतूक कोंडी होऊ नये म्हणून वाहतूक पोलिसांकडून वाहतुकीत बदल करण्यात आले आहेत.

हेही वाचा >>>पुणे : बैल गेला आणि झोपा केला अशी परिस्थिती आदित्य ठाकरे यांची झाली : आमदार गोपीचंद पडळकर

श्री तांबडी जोगेश्वरी मंदिर परिसरातील वाहतूक व्यवस्थेत बदल करण्यात आले आहेत. अप्पा बळवंत चौक ते बुधवार चौक (हुतात्मा चौक) दरम्यानचा रस्ता वाहतुकीस बंद करण्यात येणार आहे. बुधवार चौक ते अप्पा बळवंत चौक अशी एकेरी वाहतूक सुरू राहणार आहे. गर्दी वाढल्यास या भागातील वाहतूक व्यवस्थेत आवश्यकतेनुसार बदल करण्यात येणार आहे. लक्ष्मी रस्त्यावरील गणपती चौक ते तांबडी जोगेश्वरी मंदिर दरम्यानचा रस्ता वाहतुकीस बंद राहणार आहे. फुटका बुरूज चौकातून श्री तांबडी जोगेश्वरी मंदिराकडे जाणारा रस्ता अत्यावश्यक सेवेतील वाहने वगळून अन्य वाहनांनासाठी बंद ठेवण्यात येणार आहे, असे वाहतूक शाखेचे पोलीस उपायुक्त राहुल श्रीरामे यांनी कळविले आहे.

हेही वाचा >>> लोणावळा : महाराष्ट्रातील उद्योजकांना ‘खोके मागतील’ ही भीती ,आदित्य ठाकरे यांचा शिंदे सरकारवर आरोप; तळेगावात ‘जनआक्रोश’

श्री तांबडी जोगेश्वरी मंदिर, शनिवार पेठेतील श्री अष्टभुजा मंदिर, नारायण पेठेतील श्री अष्टभुजा मंदिर परिसरात वाहने लावण्यास मनाई करण्यात आली आहे. मध्यभागातील मंदिरात दर्शनासाठी येणाऱ्या भाविकांनी नदीपात्रातील रस्ता, मंडईतील वाहनतळावर वाहने लावावीत.भवानी पेठेतील श्री भवानी माता मंदिर परिसरात वाहतूक बदल करण्यात येणार आहेत. रामोशी गेट चौक ते जुना मोटार स्टँड दरम्यान रस्ता वाहतुकीस बंद ठेवण्यात येणार आहे. मंदिर परिसरात वाहने लावण्यास मनाई करण्यात आली आहे. वाहनचालकांनी नेहरु रस्ता आणि परिसरात वाहने लावावीत. श्री भवानी माता मंदिर परिसरातून जाणाऱ्या वाहनांनी पर्यायी मार्गांचा वापर करावा.

हेही वाचा >>> हृदयविकारावरील औषधाच्या नव्या स्फटिकरूपी संयुगाचा शोध; हैदराबाद विद्यापीठाचे संयुक्त संशोधन

सेनापती बापट रस्त्यावरील श्री चतु:शृंगी मंदिर परिसरातील वाहतूक व्यवस्थेत बदल करण्यात येणार आहेत. सेनापती बापट रस्त्यावर वाहतूक कोंडी झाल्यास पत्रकारनगर चौकातून सेनापती बापट रस्त्याकडे येणारी वाहतूक शिवाजी हाऊसिंग सोसायटी चौकातून सेनापती बापट रस्त्याच्या डाव्या बाजूने एकेरी करण्यात येईल. गर्दी वाढल्यास सेनापती बापट रस्त्यावरुन श्री चतु:शृंगी मंदिराकडे येणारी वाहतूक वेताळबाबा चौकातून दीपबंगला चौकातून, ओम सुपर मार्केटमार्गे गणेशखिंड रस्त्याकडे वळविण्यात येईल.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
पुणे : डॉलरच्या तुलनेत इतर चलनांपेक्षा भारतीय रुपयाची अवस्था चांगली ; केंद्रीय अर्थमंत्री सीतारामन यांचा दावा

संबंधित बातम्या

पुणे:राज्यकर्ते म्हणजे रेड्यांची अवलाद; सदाभाऊ खोत यांची जीभ घसरली
पुण्याच्या कात्रजमध्ये मोटारीला वाट न दिल्याने टेम्पोचालकास बेदम मारहाण; मोटारचालक अटकेत
भीमा नदीतील जलपर्णीत अडकल्याने शेतकऱ्याचा बुडून मृत्यू
ज्येष्ठ अभिनेते रामचंद्र धुमाळ यांचे निधन
पुणे: व्हेल माशाची उलटी विकण्यासाठी आलेल्या पाचजणांना अटक; आंतराष्ट्रीय बाजार पेठेत पाच कोटींची किंमत

व्हिडिओ

ताज्या बातम्या
पुणे:बेकायदा सावकारी प्रकरणात एकाला अटक; व्याजाने घेतलेल्या पैशांची परतफेड केल्यानंतरही धमकी
“मला गुप्तांगाचा फोटो…” ‘मिस मार्वेल’ फेम अभिनेत्यावर महिलेने केले लैंगिक शोषणाचे आरोप
“१०० तोंडांचे रावण” म्हणणाऱ्या मल्लिकार्जुन खरगेंना पंतप्रधान मोदींचे प्रत्युत्तर; म्हणाले, “काँग्रेसला रामाचे अस्तित्व…”
“असं वक्तव्य करायला यांची जीभ कशी वळते?” ; मंगलप्रभात लोढांच्या वक्तव्यावर काँग्रेसची टीका!
विश्लेषण: ११ दोषींच्या सुटकेविरोधात बिल्किस बानोंनी का दाखल केली पुनर्विचार याचिका? यासाठी नियम काय? जाणून घ्या…