scorecardresearch

पुणे: दोन रुग्णांच्या नमुन्यांचे होणार जनुकीय क्रमनिर्धारण

परदेशात वाढत असलेल्या बीए.७ रुग्णसंख्येच्या पार्श्वभूमीवर शनिवारपासून राज्यात येणाऱ्या आंतरराष्ट्रीय प्रवाशांचे सर्वेक्षण सुरू करण्यात आले आहे.

पुणे: दोन रुग्णांच्या नमुन्यांचे होणार जनुकीय क्रमनिर्धारण
(संग्रहित छायाचित्र)

परदेशात वाढत असलेल्या बीए.७ रुग्णसंख्येच्या पार्श्वभूमीवर शनिवारपासून राज्यात येणाऱ्या आंतरराष्ट्रीय प्रवाशांचे सर्वेक्षण सुरू करण्यात आले आहे. मंगळवारी सकाळपर्यंत मुंबई, पुणे आणि नागपूर विमानतळांवर ४४,६६६ प्रवासी आले असून त्यांपैकी ७०३ प्रवाशांची आरटीपीसीआर चाचणी करण्यात आली आहे. या चाचणीतून दोन प्रवाशांना करोना संसर्गाचे निदान झाले असून दोघांचे नमुने जनुकीय क्रमनिर्धारणासाठी पाठवण्यात आले आहेत. एक प्रवासी पुणे आणि एक गोव्याचा रहिवासी आहे.

हेही वाचा >>>पुणे: संभाव्य संकटाला तोंड देण्यासाठी प्रशासनाची तयारी;रुग्णालयांतील प्राणवायू, खाटा,पायाभूत सुविधांची तपासणी

राज्याचे साथरोग सर्वेक्षण अधिकारी डॉ. प्रदीप आवटे यांनी याबाबत माहिती दिली. चीन, अमेरिका, ब्राझील, फ्रान्स या देशांतील वाढत्या बीएफ.७ रुग्णसंख्येच्या पार्श्वभूमीवर आंतरराष्ट्रीय प्रवाशांच्या सर्वेक्षणाचा हा निर्णय घेण्यात आला आहे. या सर्वेक्षणाचा भाग म्हणून देशात दाखल होणाऱ्या प्रवाशांपैकी दोन टक्के प्रवाशांची आरटीपीसीआर चाचणी तर इतरांची केवळ लक्षण तपासणी (थर्मल स्क्रीनिंग) करण्यात येणार आहे.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 28-12-2022 at 11:13 IST

संबंधित बातम्या