पुण्यातील गुन्हेगारी घटनांची मालिका सुरूच असल्याचे दिसत आहे. मागील काही दिवासांपूर्वी सलग धक्कादायक घटना घडल्याचे समोर आल्यानंतर आता पुन्हा एकदा पुण्यातील वडगाव भागात राहणार्‍या एका अल्पवयीन मुलीवर तिच्याच काकाने लैंगिक अत्याचार केल्याची संतापजक घटना समोर आली आहे. या घटनेमुळे एकच खळबळ उडाली आहे. आरोपीला अटक करण्यात आली आहे. पोलिसांनी दिलेल्या माहितीनुसार, पीडित अल्पवयीन मुलीच्या आई-वडिलांचे निधन झाले होते. साधारणपणे २०१८ डिसेंबर ते आजअखेर तिच्यावर आरोपी काकाने लैंगिक अत्याचार केले. शिवाय, जर तू हे कोणाला सांगितले. तर मी तुझ्या भावाला मारून टाकेन, अशी धमकी देखील दिली होती. मात्र त्या पीडित मुलीने हा प्रकार इमारतीमधील एका महिलेला सांगितला. त्यानंतर त्या महिलेने आमच्याकडे येऊन तक्रार देताच, आरोपी काका विरोधात गुन्हा दाखल केला असून, त्याला अटक करण्यात आली आहे.अशी माहिती सिंहगड पोलिसांनी दिली.
