पुणे : भजन-अभंगांनी पुणेकरांना प्रासादिक अनुभूती | Vitthal Temple activists experience people Pune through Sant Tukaram Maharaja amy 95 | Loksatta

पुणे : भजन-अभंगांनी पुणेकरांना प्रासादिक अनुभूती

टाळ-पाखवाजच्या साथीने रंगणारी भजने तसेच अभंगांच्या ध्वनिफितीचे कानावर पडणारे सूर यामुळे पुणेकर भाविकांना शहरभर प्रासादिक वातावरणाची अनुभूती आली.

पुणे : भजन-अभंगांनी पुणेकरांना प्रासादिक अनुभूती
(प्रतिनिधिक छायाचित्र)

चहा-बिस्किटे, पोहे, उपमा अशा अल्पोपहारासह राजगिरा लाडू आणि फळांचे वाटप, नेत्रतपासणी आणि आरोग्य तपासणी, रेनकोट आणि छत्रीवाटप तसेच छत्र्यांची दुरुस्ती,थकलेल्या शरीराला मालिश,अशा विविध प्रकारे गणेश मंडळाच्या कार्यकर्त्यांसह पुणेकरांनी वारकऱ्यांची गुरुवारी सेवा केली.

टाळ-पाखवाजच्या साथीने रंगणारी भजने तसेच अभंगांच्या ध्वनिफितीचे कानावर पडणारे सूर यामुळे पुणेकर भाविकांना शहरभर प्रासादिक वातावरणाची अनुभूती आली.

दोन वर्षांच्या खंडानंतर पालखी सोहळा अनुभवण्याची संधी नागरिकांना मिळाली. त्यामुळे वारी मार्गावर रस्त्याच्या दुतर्फा उभे राहून पुणेकरांनी पालखीचे दर्शन घेतले. नाना पेठ येथील निवडुंग्या विठ्ठल मंदिर येथे संत तुकाराम महाराज यांची तर भवानी पेठ येथील पालखी विठोबा मंदिर येथे संत ज्ञानेश्वर महाराज यांच्या पालखीचा मुक्काम आहे. गुरुवारी सकाळपासून भाविकांची पावले पालखीच्या दर्शनासाठी या मंदिरांकडे वळू लागली आणि शहराच्या पूर्व भागामध्ये जणू पंढरी अवतरली. सर्वत्र वारकऱ्यांची सेवा सुरू असताना भाविकांनी लवून माऊली अशी साद घालून वारकऱ्यांना नमस्कार केला.

वारकऱ्यांच्या स्वागतासाठी गणेश मंडळांच्या कार्यकर्त्यांनी जय्यत तयारी केली होती. चौकाचौकात वारकऱ्यांना न्याहरी आणि चहा देण्यात आला. काही ठिकाणी मोफत कटिंग आणि दाढी करून वारकऱ्यांच्या चरणी सेवा रुजू करण्यात आली.

श्रीमंत दगडूशेठ हलवाई गणपती, कसबा गणपती, तांबडी जोगेश्वरी आणि सारसबाग येथील गणपतीचे दर्शन घेण्यासाठी वारकऱ्यांची गर्दी झाली होती. काही वारकऱ्यांनी शनिवारवाडा आणि आगाखान पॅलेस येथे भेट दिली. दिंडीतील भजनाची वेळ सांभाळून काही वारकऱ्यांनी नातेवाईकांची भेट घेतली. तर, अपल्या नातलगांना भेटण्यासाठी काहींनी दिंडी गाठली. वारकऱ्यांच्या संचारामुळे शहरभर चैतन्याचे वातावरण अनुभवावयास मिळाले.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
पुणे महापालिका निवडणुकीसाठी प्रभागनिहाय प्रारूप मतदारयादी जाहीर

संबंधित बातम्या

गोपीनाथ मुंडेंविषयी सुषमा अंधारेंचे मोठे विधान, नितीन गडकरींचे नाव घेत म्हणाल्या…
संजय राऊतांचे मोठे विधान, म्हणाले “…तर सरकारला अमित शाहादेखील वाचवू शकणार नाहीत”
VIDEO: सुषमा अंधारेंच्या ‘उठ दुपारी आणि घे सुपारी’ टीकेला राजू पाटलांचं प्रत्युत्तर, म्हणाले ‘कर भाषण आणि…’
“आमच्याकडे एक ‘सुशी ताई’ आहेत ज्यांच्या…”, मनसे आमदार राजू पाटलांची सुषमा अंधारेंवर बोचरी टीका
“…तर गंभीर परिणाम भोगावे लागतील”, ‘हर हर महादेव’ चित्रपटावरून संभाजीराजेंचा ‘झी स्टुडिओ’ला इशारा!

व्हिडिओ

ताज्या बातम्या
“त्याच्या चाळीतल्या…” समीर चौगुलेंनी दत्तू मोरेच्या चाळीबद्दल ‘ती’ पोस्ट चर्चेत
“बाळासाहेब ठाकरे हे एकमेव राजकारणी होते ज्यांनी…”, ‘काश्मीर फाइल्स’वर बोलताना अनुपम खेरांचं वक्तव्य
“माझ्या लग्नात…” हार्दिक जोशीसह विवाहबंधनात अडकल्यानंतर अक्षया देवधरने शेअर केली खास पोस्ट
पुणे: ३६ व्या आंतरराष्ट्रीय नाईट मॅरेथॉन स्पर्धा; इथिओपियाच्या स्पर्धकांनी मारली बाजी
संजय राऊतांचे मोठे विधान, म्हणाले “…तर सरकारला अमित शाहादेखील वाचवू शकणार नाहीत”