सारसबाग येथील स्टॅालधारकांनी स्टॅालवरील शेड काढाव्यात आणि खुर्च्या हटवून रस्ता मोकळा करावा, अशा अटी-शर्तींचे पालन करण्याबाबतचे हमीपत्र दिल्यानंतरच सारसबागेतील खाद्यपदार्थांचे स्टॅाल सुरू करण्यास परवानगी देण्याचा निर्णय महापालिका आयुक्त, प्रशासक विक्रम कुमार यांनी घेतला आहे. सारसबागेत वॅाकिंग प्लाझा करण्याचेही विचाराधीन आहे. त्यामुळे नियम आणि अटींबाबत हमीपत्र दिल्यावरच सारसबाग, तुळशीबाग आणि बिबवेवाडीतील स्टॅाल्स सुरू होणार असल्याचे स्पष्ट झाले आहे.

या बातमीसह सर्व प्रीमियम कंटेंट वाचण्यासाठी साइन-इन करा

महापालिकेच्या अतिक्रमण निर्मूलन विभागाने सारसबाग येथील खाद्यपदार्थांच्या स्टॅालवर कारवाई करत स्टॅाल सील केले आहेत. रस्त्यावर टाकण्यात आलेल्या टेबल आणि खुर्च्या जप्त करण्यात आल्या असून शेड काढून टाकण्यात आले आहेत. त्यापूर्वी गेल्या आठवड्यात अधिकृत परवाना शुल्काची थकीत रक्कम न भरल्यामुळे तुळशीबागेतील २२१ स्टॅालधारकांवर कारवाई करून स्टॅाल बंद करण्यात आले आहेत. तर बिबवेवाडी परिसरातील स्वामी विवेकानंद रस्त्यावरील स्टॅालचे बेकायदा गाळ्यांमध्ये रुपांतर करण्यात आल्याने ५१ गाळे सील करण्यात आले आहेत.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Walking plaza plan in punes iconic saras baug pune print news scsg
First published on: 27-05-2022 at 14:13 IST