पुण्यातील गंगाधाम येथील फर्निचरच्या गोदामाला भीषण आग लागल्याची घटना घडली असून, घटनास्थळी अग्निशामक दलाची १४ वाहनं दाखल झाली आहेत. आगीवर नियंत्रण मिळविण्याचे काम युद्धपातळीवर सुरू आहे. अग्निशामक विभागाच्या अधिकाऱ्यांनी दिलेल्या माहितीनुसार, गंगाधाम येथील आई माता मंदिराजवळ असलेल्या श्री जी लॉन्स येथील फर्निचरच्या गोदामाला साडेआठ वाजता आग लागल्याची घटना घडली. या घटनेची माहिती मिळताच, घटनास्थळी अग्निशामक दलाच्या दहा गाड्या दाखल झाल्या. मात्र तोवर आगीने रौद्ररूप धारण केले होते. त्यामुळे आणखी चार गाड्या मागविण्यात आले आहेत. या आगीवर नियंत्रण मिळविण्याचे काम सुरू असून नेमकी आग कशामुळे लागली. हे अद्याप पर्यंत समजू शकले नाही. तसेच आतमध्ये कोणी आहे का याचा देखील शोध घेतला जात असल्याचे त्यांनी सांगितले
